រាជធានីភ្នំពេញ ៖ តុលាការបានសម្រេចលើកពេលសវនាការ លើសំណុំរឿងផ្កាយ៣ ឌួង ងៀប ទៅថ្ងៃទី២៩ ខែកញ្ញា ខាងមុខ មូលហេតុអវត្តមានមេធាវីការពារក្តីឲ្យជនជាប់ចោទ ។
សំណុំរឿងផ្កាយ៣ ឌួង ងៀប ត្រូវបានតុលាការលើកយកមកបើកសវនាការកាលពីព្រឹកថ្ងៃ៦ ខែកញ្ញា នេះ ដែលជាសវនាការលើកទី២ បន្ទាប់ពីលើកទី១ អវត្តមានជនជាប់ចោទ ។
លើកទី២នេះក៏ត្រូវបានលើកពេលទៀត ដោយមានវត្តមានជនជាប់ចោទ ឌួង ងៀប តែអត់អវត្តមានមេធាវីការពារក្តីវិញ ក្នុងនោះតុលាការក៏បានសម្រេចចាត់តាំងមេធាវីជំនួស ដើម្បីឲ្យបានដំណើរជំនុំជម្រះសួរដេញដោល មិនចង់អូសបន្លាយពេលទៅមុខទៀតទេ ។
ប៉ុន្តែជនជាប់ចោទ ឌួង ងៀប ទទួចមិនទទួលយកមេធាវីចាត់តាំងរបស់តុលាការទេ ហើយបានស្នើសុំឲ្យតុលាការលើកពេលទៅថ្ងៃទី២៩ ខែកញ្ញា ដល់ ពេលនោះបើអវត្តមានមេធាវីការពារដោយអណត្តិ ជនជាប់ចោទសម្រេចទទួលយកមេធាវីចាត់តាំង ដោយបញ្ឈប់ ការសុំ ពន្យារពេលទៀតហើយ ។ដោយ រ៉ារ៉ា
...
