ភ្នំពេញ៖ ទីតាំងកត់ឆ្នោតជាច្រើនកន្លែងនៅក្នុងមូលដ្ឋានសង្កាត់ចោមចៅ ខណ្ឌពោធិ៍សែនជ័យ ជាពិសេសក្នុងផ្សារត្រពាំងថ្លឹង មិនត្រូវបានអាជ្ញាធរបង្ក្រាបទេ ។
តាមប្រជាពលរដ្ឋបានបង្ហើបថាមេឆ្នោតដែលគ្រប់គ្រងក្នុងផ្សារនោះឈ្មោះគេហៅថាតាម៉ាប់ ចំណែកអ្នកកត់ឆ្នោតថាកន្លែងនេះបង់លុយអោយសមត្ថកិច្ចអស់ហើយ ទោះសាលាខណ្ឌក៏បង់អោយដែរ ។
ដោយឡែកទីតាំងមួយកន្លែងទៀត នៅផ្សារដំបូលខៀវ សង្កាត់ចោមចៅ ភូមិត្រពាំងថ្លឹងដែរនោះ មិនត្រូវបានបង្ក្រាបដូចគ្នា បើទោះបីជាគោលនយោបាយភូមិ ឃុំ សង្កាត់មានសុវត្ថិភាពផ្តោតលើវិធានបង្ក្រាបបទល្មើសនេះក៏ដោយ។
ប្រជាពលរដ្ឋបានសំណូមពរដល់អាជ្ញាធរដែលពាក់ព័ន្ធសូមជួយបើកភ្នែកមើលទីតាំងខាងលើផងព្រោះបើបណ្តោយអោយមានល្បែងសីុសងបើកលេងយ៉ាងគ្រគ្រឹងគគ្រែងបែបនេះធ្វើអោយមនុស្សញៀននិងល្បែង ខាតបង់ទ្រព្យសម្បត្តិ លែងធ្វើការងារ និងគំនិតប្រពឹត្តអំពើចោរកម្មរឺឆក់ប្លន់ជាដើមក្នុងមូលដ្ឋាន៕
សុខាសែនជ័យ
