ភ្នំពេញ ៖ រថយន្តស៊េរីទំនើបមួយគ្រឿងម៉ាកRANGE ROVER បើកមកឈប់ភ្លើងស្តុបត្រូវរថយន្តស៊េរីទំនើបមួយគ្រឿងទៀតបើកមកកៀរប៉ះគ្នាបន្តិចបន្តួចមិនព្រមចុះដោះស្រាយគ្នាទេ គឺនៅអង្គុយក្នុងរថយន្តរៀងៗខ្លួន បង្កឱ្យស្ទះចរាចរណ៍ដល់ពលរដ្ឋដែលកំពុងធ្វេីដំណេីរ កាលពីវេលាម៉ោង៩ និង១០នាទីយប់ថ្ងៃព្រហស្បតិ៍ ទី១៧ ខែវិច្ឆិកា ឆ្នាំ២០២២ ស្ថិតនៅតាមបណ្ដោយផ្លូវម៉ៅសេទុង ត្រង់ចំណុចមុខផ្ទះឧញ៉្ញាហ៊ុនតូចាស់ ក្នុងសង្កាត់ទន្លេបាសាក់ ខណ្ឌចំការមន។
តាមប្រភពពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តស៊េរីទំនើបម៉ាកRANGE ROVER ពណ៌ខ្មៅ ពាក់ស្លាកលេខភ្នំពេញ2BQ-6666 បើកបរដោយបុរសម្នាក់រួមដំណើរជាមួយស្ត្រីពីរនាក់ធ្វើដំណើរក្នុងទិសដៅពីកើតទៅលិច
ខណៈបើកមកដល់ចំណុចកើតហេតុខាងលើបានឈប់រថយន្តចាំភ្លើងស្តុបស្រាប់តែមានរថយន្តស៊េរីទំនើបម៉ាកHILUX SRV VIGO ពណ៌ទឹកមាស ពាក់ស្លាកលេខ រដ្ឋ16 -0468 បើកបរដោយបុរសម្នាក់ស្របគ្នាមកពីក្រោយបានកៀររថយន្តRange Rovre រងការខូចខាតបន្តិចបន្តួចទាំងពីរគ្រឿង ហើយខាងរថយន្តបង្កពាក់ស្លាកលេខ រដ្ឋ មិនព្រមចុះមកចរចាគ្នានោះទេគឺអង្គុយក្នុងរថយន្តធ្វើមិនដឹងធ្វើឱ្យផ្អើលដល់អ្នកសារព័ត៌មានចុះមកឡាយគ្រប់ៗគ្នា។
មួយសន្ទូះក្រោយមក ក៏មានវត្តមានសមត្ថកិច្ចចុះមកដល់ឱ្យភាគីទាំងពីរសម្របសម្រួលគ្នា តែខាងរថយន្តពាក់ស្លាកលេខរដ្ឋមិនព្រមចុះពីរថយន្តនោះទេគឺចាំឱ្យកូនមកដោះស្រាយ។ ដោយភាគីរថយន្តម៉ាកRANGE ROVER មិនចង់វែងឆ្ងាយក៏បេីករថយន្តចេញទៅទាំងហ្មួហ្មង ទេីបរថយន្តពាក់ស្លាកលេខរដ្ឋបេីកចេញទៅតាមក្រោយដែរ ៕ 
ដោយ ៖ ភារ៉ា ដង្កោ
