មន្ត្រីមីយ៉ាន់ម៉ាបានប្រកាសថា គណកម្មធិការរួមស្តីពីកិច្ចចចារសន្តិភាពនៅមីយានម៉ា UPDJC និងត្រូវបានកែតម្រង ហើយលោកស្រី អង់សានស៊ូជី ជាអ្នកដំនាំគណកម្មការនោះ។
នៅក្នុងកិច្ចប្រជុំកាលពីថ្ងៃទី២៧ ខែឧសភា ក្នុងទីក្រុងណៃពីដោ លោកស្រី អង់សានស៊ូជី បញ្ចាក់ថា គណកម្មការថ្មីគឺរក្សាសមាជិកចាស់ៗទាំងអស់ ហើយអ្នកទាំងនោះនឹងដំណាងឲ្យក្រុមជនជាតិភាគតិច គណបក្សនយោបាយនិងដំណាងរដ្ឋាភិបាល។
UPDJC មានសមាជិក ១៨រូបក្រោមការដឹកនាំរបស់លោកស្រី អង់សានស៊ូជី ដើម្បីស្វែករកដំណោះស្រាយដោយសន្តិភាពបញ្ចប់វិបត្តិនយោបាយនៅក្នុងប្រទសមួយនេះឈានទៅរកការអភិវឌ្ឍន៍ក្រោមការដឹកនាំរបស់រដ្ឋាភិបាលប្រជាធិបតេយ្យ។
លោកស្រី អ៊ុងសាន ស៊ូជី ជាតំណាងនៃការតស៊ូដើម្បីលទ្ធិប្រជាធិបតេយ្យនៅ មីយ៉ាន់ម៉ា និងជាអ្នកទទួលបានការ ស្រឡាញ់ពេញចិត្ដបំផុតរបស់ពលរដ្ឋគ្រប់ស្រទាប់វណ្ណៈ ។ លោកស្រីបានជួបការលំបាកជាច្រើនក្នុងការតស៊ូដើម្បី ជាតិនិងជួយដល់ពលរដ្ឋ ។ បានធ្វើឱ្យលោកស្រីត្រូវជាប់ឃុំនៅក្នុងផ្ទះអស់ជាច្រើនឆ្នាំ។ ប៉ុន្ដែដោយការតស៊ូមិនចេះ ហត់របស់លោកស្រីពេលនេះគណបក្សទទួលបានជ័យជំនះក្នុងការបោះឆ្នោតជាប្រវត្ដិសាស្ដ្រ។ ហេតុការណ៍នោះបានធ្វើឲ្យលោកស្រីបង្កើតប្រវត្ដិសាស្ដ្រសាជាថ្មីនៅមីយ៉ាន់ម៉ា ។
លោកស្រី អ៊ុងសាន ស៊ូជី អតីតអ្នកទោសនយោបាយនិងជាអ្នកទទួលបានពានរង្វាន់ណូបែលសន្ដិភាពពិភពលោក បានបង្កើតគណបក្សសម្ព័ន្ធជាតិដើម្បីប្រជាធិបតេយ្យ NLD ហើយពេលនេះគណបក្សរបស់លោកស្រីទទួលបានជ័យជំនះក្នុងការបោះឆ្នោតធំបំផុត និងមានភាពសេរីត្រឹមត្រូវយុត្ដិធម៌បំផុត មិនធ្លាប់មានក្រោយរយៈពេលជាង២៥ឆ្នាំកន្លងមក ។ លោកស្រីមិនត្រឹមតែទទួលបាន ការគាំទ្រពីពលរដ្ឋនៅក្នុងប្រទេសនោះឡើយសូម្បីតែពលរដ្ឋនៅជុំវិញពិភពលោកក៏បានគាំទ្រដល់សកម្មភាពរបស់លោកស្រីផងដែរ ។
ពលរដ្ឋមីយ៉ាន់ម៉ាជឿជាក់ថា ក្ដីស្រឡាញ់ដែលពលរដ្ឋមីយ៉ាន់ម៉ាមានចំពោះលោកស្រ អ៊ុងសាន ស៊ូជី ធំធេងគ្មានអ្វីប្រៀបបាន ។ មួយវិញទៀតឪពុករបស់លោកស្រីលោក Aung San ក៏ជាអតីតមន្ដ្រីទាហានក្រោយមកក៏បានក្លាយជាមេដឹកនាំនៅប្រទេសដែលបានជួយឲ្យមីយ៉ាន់ម៉ាទទួលបានឯករាជ្យពេញលេញ ។ ប៉ុន្ដែក្រោយមកលោកក៏ត្រូវបានក្រុមប្រឆាំងធ្វើឃាតនៅឆ្នាំ១៩៤៧ ពេលនោះលោកស្រី អ៊ុងសាន ស៊ូជី ទើបតែមានអាយុ២ឆ្នាំប៉ុណ្ណោះ ។ លោកស្រី អ៊ុងសាន ស៊ូជីី បានរស់នៅបរទេសតាំងពីតូចក្រួចឆ្មា ហើយធ្លាប់បានរៀននៅមហាវិទ្យាល័យប្រទេសឥណ្ឌា និងមហាវិទ្យាល័យ OxFord ប្រទេសអង់គ្លេស ។
ដល់ឆ្នាំ១៩៨៨លោកស្រីបានសម្រេចវិលត្រឡប់មកមាតុភូមិចូលរួមប្រឡូកក្នុងឆាកនយោបាយក្រោយពេលម្ដាយ របស់លោកស្រីធ្លាក់ខ្លួនឈឺ ។ ពេលម្ដាយស្លាប់លោកស្រីក៏បានប្រកាសថា លោកស្រីចង់បម្រើដល់ពលរដ្ឋមីយ៉ាន់ម៉ាដូចអ្វីដែលឪពុកនិងម្ដាយរបស់លោកស្រីធ្លាប់បានធ្វើនាពេលកន្លងមក ។
នៅឆ្នាំ១៩៩០ គណបក្ស NLD ដែល លោកស្រីបង្កើតឡើងនោះទទួលបានជ័យជំនះនៅក្នុងការបោះឆ្នោតជាតិ ប៉ុន្ដែ កម្លាំងទាហានមីយ៉ាន់ម៉ាបានច្រានចោលលទ្ធផលទាំងនោះមិនត្រឹមតែប៉ុណ្ណោះក៏បានចាប់លោកស្រីឃុំខ្លួនអស់រយៈ ពេល២០ឆ្នាំ នៅក្នុងផ្ទះមិនអាចចេញទៅណាបានឡើយ ។
ប៉ុន្ដែសំឡេងប្រជាធិបតេយ្យនៅ មីយ៉ាន់ម៉ា របស់លោកស្រីបានផ្សព្វផ្សាយនៅលើពិភពលោកជួយឲ្យលោកស្រី ទទួលបានការគាំទ្រយ៉ាងខ្លាំងពីសហគមន៍អន្ដរជាតិ ។ លោកស្រី អ៊ុងសាន ស៊ូជី ត្រូវបានគេប្រៀបធៀបជាមួយលោក Nelson Mandela អតីតប្រធានាធិបតីអាហ្វ្រិកខាងត្បូងដែលធ្លាប់បានជាប់គុក២៧ឆ្នាំ និងតស៊ូដើម្បីលុបចោលរបបផ្ដាច់ការ Apartheid ។
នៅឆ្នាំ១៩៩១លោកស្រីត្រូវបានគណៈកម្មធិការពានរង្វាន់ណូបេែលបានផ្ដល់រង្វាល់ ណូបែលសន្ដិភាពលោកស្រី អ៊ុងសាន ស៊ូជី ដោយសារតែការតស៊ូដើម្បីប្រជាធិបតេយ្យរបស់លោកស្រី ។ ប៉ុន្ដែរហូតដល់ឆ្នាំ២០១២ លោកស្រីទើបទៅទទួលដោយសារតែទើបរួចចេញពីការឃុំឃាំង ។
ការផ្សះផ្សាជាតិសាស្ត្រដែលដឹកនាំដោយលោកស្រី ស៊ូជី នោះនឹងជួយបញ្ចប់វិវាទជាតិសាស្ត្រដែលអូបន្លាយជាច្រើនទស្សវត្តកន្លងមកធ្វើឲ្យប្រទេសជាតិធ្លាក់នៅក្នុងអសន្តិសុខ៕
ប្រែសម្រួល៖ ម៉ែវ សាធី
