អង្គការតម្លាភាព ភេទ មានឈ្មោះថា ​«Free the Nipple »​ បានដាក់លិខិតប្តឹងរដ្ឋាភិបាលទីក្រុង  Fort Collins រដ្ឋ​Colorado អាមេរិក​ដោយចោទប្រកាន់ថា បាននប្រកាន់ភេទ ដោយមិនអនុញ្ញាត្តិឲ្យស្ត្រីអាចដោះអាវប្រលេងសុដននៅទីសាធារណៈ។

កាលពីថ្ងៃទី​១ ខែមិថុនា អ្នកបង្កើត Free The Nipple (សេរីភាពប្រលេងសុដន)គឺនាង ​Brittiany Hoagland និង សមាជិកក្រុម​ Samantha Six បានបង្ហាញខ្លួននៅក្នុងសន្និសីទដើម្បីប្រកាសពីការប្តឹងខាងលើ។

តាមពាក្យបណ្តឹងច្បាប់ហាមស្ត្រីដោះអាវបង្ហាញសុដននៅទីសាធារណ ដែលបានអនុម័តកាលពីឆ្នាំ​២០១៥ គឺជាការតឹងតែងខ្លាំងពេក។ នៅក្នុងពាក្យបណ្តឹងក៏បានបញ្ចាក់ថា រដ្ឋតូចៗចំនួន​៣០ របស់អាមេរិកក៏ដូចជាទីក្រុង  Nenver, Boulder និង​ New York បានទទួលស្កាល់សិទ្ធប្រលេងដើមទ្រូងនៅទីសាធារណរបស់ស្ត្រី។

ចំណែកនៅតំបន់ ​Fort Colins ស្ត្រីប្រលេងដើមទ្រូងនៅទីសាធារណៈអាចត្រូវជាប់គុក១៨០ថ្ងៃ និងផាក់ពិន័យជាប្រាក់ ២,៦៥០ដុល្លារ។ ចំណែកបុរសវិញអាចដោះអាវនៅទីសាធារណបានដោយគ្មានកំហុស។ ទាំងនោះបានបង្ហាញយ៉ាងច្បាស់ថា ជាការប្រកាន់ភេទយ៉ាងធ្ងន់មិនអាចទទួលយកបានឡើយ៕

ប្រែសម្រួល៖ សាធី