ខេត្តស្វាយរៀង: សមត្ថកិច្ចនគរបាលបានឃាត់ខ្លួនជនសង្ស័យម្នាក់នៅចំណុចខាងមុខក្លោងទ្វាវត្តគ្រួសពាក់ព័ន្ធករណីជួញដូគ្រឿងញៀននិងរឹបអូសវត្ថុតាងមួយចំនួន។
ការឃាត់ខ្លួននេះធ្វើឡើងនៅវេលាម៉ោង៦និង១០នាទីព្រលប់ថ្ងៃទី ០២ ខែមករា ឆ្នាំ ២០២៣ស្ថិត ចំណុចខាងមុខក្លោងទ្វាវត្តគ្រួសស្ថិតនៅចំណុចភូមិគ្រួស ឃុំគ្រួស ស្រុកស្វាយជ្រំ ខេត្តស្វាយរៀង។
បើតាមលោក សោម សុភ័ណ្ឌ អធិការនគរបាលស្រុកស្វាយជ្រំបានអោយដឹងថាកំលាំងរបស់លោកបានឃាត់សង្ស័យម្នាក់ ភេទប្រុស អាយុ៥៤ ឆ្នាំមុខរបរមិនពិតប្រាកដ មានទីលំនៅភូមិគ្រួសឃុំគ្រួស ស្រុកស្វាយជ្រំ ខេត្តស្វាយរៀង។
ចំណែកវត្ថុតាងដែលរឹបអូសបានរួមមានម៉្សៅក្រាមពណ៌សថ្លាថ្នាំញៀន(មេតាំហ្វេតាមីន)ចំនួន ១៣ កញ្ចប់ធំ០១កញ្ចប់ទូរស័ព្ទចំនួន០៣គ្រឿង
ម៉ូតូ០១គ្រឿងនិងឧបករណ៍សំរាប់ប្រើប្រាស់គ្រឿងញៀនមួយចំនួន។
នៅចំពោះមុខសមត្តកិច្ចជនសង្ស័យបានឆ្លើយសារភាពថា ចំពោះថ្នាំញៀនចំនួន១៤កញ្ចប់ខ្លួនបានទិញពីភ្នំពេញនិងបានវេចខ្ចប់តាមរថយន្តតាក់សុីផ្ញើរមកអោយខ្លួន។
ក្រោយពីទទួលព័ត៌មានពីប្រជាពលរដ្ឋថាមានមុខសញ្ញាកំពុងជួញដូរគ្រឿងញៀនរួចមក លោកបានដឹកនាំបញ្ជាកម្លាំងជំនាញប្រឆាំងបទល្មើសគ្រឿងញៀនស្រុកស្វាយជ្រំ សហការជាមួយកម្លាំងប៉ុស្តិ៍នគរបាលរដ្ឋបាលគ្រួសធ្វើការស្រាវជ្រាវឃាត់ខ្លួនជនសង្ស័យនៅចំណុចខាងមុខក្លោងទ្វាវត្តគ្រួសនិងយកមកសាកសួរ។
បន្ទាប់មកសមត្តកិច្ចបានធ្វើការពិនិត្យទឹកម៉ូតស្វែងរកសារធាតុញៀនជាលទ្ធផលវិជ្ជមាន
ទើបសមត្ថកិច្ចជំនាញកសាងសំណុំរឿងចាត់ការតាមច្បាប់៕
ដោយ៖ សុថាន
