ខេត្តបាត់ដំបង៖ យោងតាមរបាយការណ៍របស់ស្នងការដ្ឋាននគរបាលខេត្តបាត់ដំបង នៅព្រឹកថ្ងៃអង្គារទី២៤ ខែមករា ឆ្នាំ២០២៣នេះ បានឱ្យដឹងថា៖ មានករណីហិង្សាដោយចេតនា មានស្ថានទម្ងន់ទោសដោយ ប្រើ (កាំបិតខ្វែវ)បង្កឡើងដោយជន សង្ស័យ ០១ក្រុមមានគ្នាប្រមាណ ២០ នាក់ ជិះម៉ូតូជាច្រើនគ្រឿងធ្វើសកម្មភាពយកកាំបិតកាប់ទៅលើជនរងគ្រោះឈ្មោះ ភី លីហុង ភេទប្រុ សអាយុ២៣ឆ្នាំ(ជាបុគ្គលិកលក់សាំង)មានទីលំនៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង តែត្រូវបានជនរងគ្រោះយកកៅអីរងហើយផ្លោះរបងរត់គេចខ្លួនផុតមិនបណ្តាលឱ្យរងរបួសទេ។
របាយការណ៍ដដែលបន្តថា ករណីខាងលើនេះបានកេីតឡេីងកាលពីថ្ងៃទី១៨ ខែមករា ឆ្នាំ២០២៣ វេលាម៉ោង២០និង៥៨នាទីនៅចំណុច ក្នុងដេប៉ូតេលាយីហោឡូតម៉ានីឌី ស្ថិតក្នុងក្រុមទី១១ ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។
ក្រោយធ្វើសកម្មភាពរួចជនសង្ស័យបានគេចខ្លួនចេញពីកន្លែងកើតហេតុ ដោយបានបន្សល់សម្ភារៈតាងមាន កាំបិតខ្វែវះចំនួន០១ដែលជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាលស្រុកដេីម្បីធ្វេីការស្រាវជ្រាវ ហេីយក្រោមការដឹកនាំបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ សេង លុចអធិការនគរបាលស្រុកថ្មគោល បានដឹកនាំកម្លាំងផ្នែកជំនាញធ្វេីការស្រាវជ្រាវរហូតដល់ថ្ងៃទី២៣ខែ មករា ឆ្នាំ២០២៣ វេលាម៉ោង០៦និង៥០នាទីព្រឹកសមត្ថកិច្ចបានធ្វើការស្រាវជ្រាវកំណត់មុខសញាបានឈានដល់ការឃាត់ខ្លួនជនសង្ស័យបានចំនួន២នាក់គឺ៖
០១-ឈ្ម្មោះ សារឿង ប្រុសពេជ្រ ភេទប្រុស អាយុ២០ឆ្នាំ រស់នៅភូមិវាលទ្រា ឃុំអូរតាគី ស្រុកថ្មគោល (ដៃដល់)។
០២-ឈ្មោះ ពេជ្រសំបូរវាសនា ភេទប្រុស អាយុ ២១ឆ្នាំ រស់នៅភូមិពពា លខែ ឃុំអូរតាគី ស្រុកថ្មគោល ។
សូមជម្រាបថា ក្រោយឃាត់ខ្លួនសាកសួរជនសង្ស័យបានសារភាពថាពួកខ្លួនពិតជាបានធ្វើសកម្មភាពយកកាំ-បិត-កា-ប់-ទៅលើជនរងគ្រោះពិតប្រាកដមេន តែដោយសារជនរងគ្រោះយកកៅអីរងមិនបណ្តាលឱ្យរងរបួសនោះទេ ។ ហេីយករណីនេះគឺផ្តេីមចេញពីរឿងគំនុំរវាងភាគីជនរងគ្រោះជាមួយក្រុមខ្លួននាពេលកន្លងមក។
បច្ចុប្បន្នកម្លាំងនគរបាលស្រុកកំពុងកសាងសំណុំរឿងបញ្ជូនមកផែនជំនាញអនវត្តបន្តតាមនីតិវិធី ច្បាប់ រីឯបក្សពួកផ្សេងទៀតសមត្ថកិច្ចកំពុងធ្វេីការស្រាវជ្រាវបន្ត៕
ដោយ៖សហការី
