ភ្នំពេញ៖រថយន្តសេរីទំនើបម៉ាកLAND CRUISER PRADO មួយគ្រឿង ដោយម្ចាស់ស្រវឹងស្រាឡើងជោកជាំនិងងើកក្នុងល្បឿនយ៉ាងលឿន ខណះដល់ផ្លូវកោងមិនបន្ថយល្បឿនក៏ជ្រុលទៅបុកជញ្ជាំងការដ្ឋានសំណង់ក្បែរកោះពេជ្រ បណ្ដាលអោយរងការខូចខាត។​ ហេតុការណ៍នេះបានកើតឡើងកាលពីវេលាម៉ោង១និង៣០នាទីរំលងអាធ្រាត ឈានចូលថ្ងៃទី១១ មិថុនា ឆ្នាំ២០១៦ នៅចំណុចខាងត្បួងស្ពានហង្សកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន។
តាមសាក្សីដែលឃើញហេតុការណ៍ខាងលើនេះបានឲ្យដឹងថា នៅមុនពេលកើតហេតុគឺ រថយន្តបង្កម៉ាកLAND CRUISER PRADO ពណ៌ខ្មៅ ពាក់ស្លាកលេខភ្នំពេញ2T.9678 បើកបរដោយបុរសម្នាក់រួមជាមួយនារីម្នាក់ទៀត បានធ្វើដំណើរតាមបណ្ដោយផ្លូវ ពីក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ច ទិសដៅពីលិចមកកើតក្នុងល្បឿនយ៉ាងលឿង ខណះមកដល់កន្លែងកើតហេតុដែលជាផ្លូវកែងហើយមិនបន្ថយល្បឿន ក៏ជ្រុលទៅបុកជញ្ជាំងការដ្ឋាន បណ្ដាលឲ្យធ្លុះ និងប៉ះកម្មករដែលដេកនៅទីនោះរងរបួសស្រាល២នាក់ ចំណែកឯអ្នកបើករថយន្តបង្កមិនរងរបួសនោះទេហើយបានបើកទ្វាគេចខ្លួនបាត់ស្រមោល។
ក្រោយពេលកើតហេតុសមត្ថកិច្ចមូលដ្ឋានបានចុះធ្វើការវាស់វែងយករថយន្តបង្កនោះទៅរក្សាទុកនៅអធិការដ្ឋាននគរបាលខណ្ឌចំការមន រងចាំដោះស្រាយគ្នានៅពេលក្រោយ៕

ដោយ៖ជីម ភារ៉ា ដង្កោ