នៅក្នុងដំណើរទស្សនកិច្ចទៅកាន់ប្រទេសស្រុកកំណើតរបស់ឪពុកនាពេលកន្លងមក លោកអូបាម៉ាបានជម្រុញឲ្យយុវវ័យកេនយ៉ាឆ្លងផុតនៃរនាំងរារាំងរបស់ជំនាន់មុន ដែលធ្វើឲ្យប្រទេសជាតិដើរថយក្រោយ។
កាលពីពេលកន្លងមកនៅក្នុងពហុកីឡដ្ឋានក្នុងទីក្រុង ណៃរ៉ូប៊ី ដោយមានការចូលរួមពីនិស្សិតជាង៤៥០០នាក់ និងមន្ត្រីសំខាន់ៗក្នុងជួរដ្ឋាភិបាលកេនយ៉ា ប្រធានាធិបតីអូបាម៉ាមានប្រសាសន៍ទៅកាន់ពលរដ្ឋកេនយ៉ាទាំងមូល ដោយប្រព័ន្ធផ្សព្វផ្សាយប្រទេសនោះបានចាត់ទុកថាជាសារចេញពីបេះដូងលោកអូបាម៉ាទៅកាន់យុវវ័យកេនយ៉ាទាំងអស់។
ភាពជិតស្និត របស់ប្រធានាធិបតីអូបាម៉ា និងពាក្យពេចន៏ ដាស់តឿនដល់យុវវ័យកេនយ៉ាធ្វើពួកគាត់មានមោទនភាពនឹងជឿជាក់លើខ្លួនឯង។ លោកអូប៉ាមាមានប្រសាស្សន៍ទៅកាន់ពលរដ្ឋកេនយ៉ាថា «ខ្ញុំពិតជាមានមោទនភាពយ៉ាងខ្លាំងដែលបានក្លាយជាប្រធានាធិបតីអាមេរិក ដែលជាប្រទេសមហាអំណាចនៅលើពិភពលោក គ្រប់គ្រងនិងដោះស្រាយបញ្ហាពិភពលោកទាំងមូល ហើយក៏ជាប្រធានាធិបតីអាមេរិកដំបូងបានបំពេញទស្សនកិច្ចកេនយ៉ា និងជាប្រធានាធិបតីអាមេរិកមានដើមកំណើតកេនយ៉ា»។
លើសពីនេះទៅទៀតលោកអូបាមាបានជម្រុញទឹកចិត្តដល់យុវវ័យ ឲ្យមានការតស៊ូដូចជារូបលោក ដែលមិនមានជាដើមកំណើតអាមេរិកតែអាចដឹកនាំអាមេរិកបានយ៉ាងល្អទៀតផង ពលរដ្ឋកេនយ៉ាផ្សេងទៀតក៏មានសមត្ថភាពធ្វើបានដូចគ្នាឲ្យតែខិតខំ។
សារព័ត៌មានTelegraph បានផ្សាយថា លោកអូបាម៉ា បានរៀបរាប់ពីជីតារបស់លោក ដែលធ្លាប់ធ្វើជាចុងភៅក្នុងជួរកងទ័ពអង់គ្លេស ក្នុងពេលដែលកេនយ៉ាស្ថិតនៅក្រោមការគ្រប់គ្រងរបស់ចក្រភពអង្គគ្លេស ។លោកអូបាម៉ាបង្ហាញពីការខកចិត្តទៅលើទស្សនដឹកនាំរបស់អ្នកជំនាន់មុខធ្វើអោយកេនយ៉ាធ្លាក់ក្នុងតំណាក់កាលលំបាកបំផុត។ ចំណែកឪពុករបស់អូបាម៉ាធ្លាប់បានសសេរលិខិតជាង៣០សន្លឹកសុំអាហារូបករណ៍ទៅសិក្សាមហាវិទ្យាល័យនៅអាមេរិក ទីបំផុតក៏ទទួលបានអាហារូបករណ៍ទៅសិក្សានៅហាវៃ(ជាទីកន្លែងកំណើត របស់អូប៉ាម៉ាក្រោយនេះ)។
តាមប្រសាសន៍របស់ប្រធានាធិបតីអូបាម៉ានៅជំនាន់មុនបានធ្វើឲ្យពលរដ្ឋបែកបាក់យុវវ័យបាត់បង់ការរៀនសូត្រទើបជម្រុញឲ្យប្រទេសជាតិធ្លាក់ក្នុងតំណាក់កាលក្រីក្រ។ ដួច្នេះនៅជំនាន់ក្រោយនេះ ចាំបាច់ត្រូវតែយល់ដឹងឲ្យបានច្បាស់ពីប្រវត្តិសាស្ត្រ ដើម្បីជួយប្រទេសជាតិឲ្យឈានឡើងទៅមុខ។
លោកអូបាម៉ាបញ្ចាក់ទៀតថានៅបចុប្បន្នកេនយ៉ាបានផ្លាស់ប្តូជាច្រើន។ លោកអូបាម៉ាបន្តទៀថានៅពេលនេះគ្មានអ្វីដែលរារាំងជំនាន់ក្រោយឲ្យសម្រេចនៅគោលដៅរបស់ខ្លួននោះឡើយ។ កាលពីជំនាន់ជីតាលោកអូបាម៉ាគឺជាអ្នកបំរើឲ្យជនបរទេស ប៉ុន្តែថ្ងៃនេះចៅរបស់គាត់ក្លាយជាម្ចាស់ដឹកនាំជនបរទេសទាំងមូល ។ ប៉ុន្តែអ្វីដែលប្រធានាធិបតីអូបាម៉ាចង់បាននោះគឺ ពលរដ្ឋកេនយ៉ាទាំងមូលនិងខិតខំកសាងអនាគតរបស់ខ្លួននៅក្នុងស្រុកកំណើត ពិសេសគឺការអប់រំឲ្យបានល្អ។ លោកអូបាមាបន្តទៀតថា «ថ្នាំល្វីងអាចជួយកម្ចាត់មេរោគរាំរៃ» អភិវឌ្ឍន៍យឺតយ៉ាងរបស់កេនយ៉ា។
លោកអូបាម៉ាបន្តទៀតថា«អស់លោកអាចជ្រើសរើសសម្រាប់ខ្លួននៅគោលដៅអភិវឌ្ឍន៍មួយ ប៉ុន្តែត្រូវតែមានការជ្រើសរើសយកនៅគោលដៅអភិវឌ្ឍន៍សំខាន់បំផុត»។ លោកអូបាម៉ាបញ្ចាក់ទៀតថា ការប្រកាន់វណ្ណៈ ការរើសអើង ការប្រកាន់ពូជសាសន៍អ្វីដែលពិសេសជាងនេះទៀតនោះគឺ «មហារិកពុករលួយ»ចាំបាច់ត្រូវតែលុបចោលឲ្យអស់ទើបប្រទេសជាតិរីកចំរើន។
លោកអូបាម៉ាបានលើកឡើងនៅទស្សនស្តីពីអនាគតកេនយ៉ាអាស្រ័យទៅលើពលរដ្ឋកេនយ៉ាងទាំងអស់ មិនត្រូវពឹងផ្អែក ការជួយពីបរទេសនោះឡើយ។
មិនត្រឹមតែនៅក្នុងប្រទេសគេនយ៉ានោះឡើយ គឺនៅក្នុងទ្វីអាហ្រិកទាំងមូលនឹងមានភាពរីកចំរើនយ៉ាងខ្លាំងនៅពេលខាងមុខ។ លោកអូបាម៉ា បានមានប្រសាសន៍ថា ទ្វីបអាហ្វ្រិក គឺជាទ្វីបដែលកំពុងតែមានសន្ទុះរីកចំរើន មិនគួរឲ្យចង់ជឿ ហើយជាទីផ្សារដ៏ធំសម្រាប់កំណើនសេដ្ឋកិច្ចពិភពលោកទាំងមូល។ ហេតុដូច្នេះហើយ បានជាក្នុងនាមលោកជាប្រធានាធិបតីសហរដ្ឋអាមេរិក លោកនឹងខិតខំធ្វើ យ៉ាងណា ដើម្បីពង្រីកវិសាលភាព នៃទំនាក់ទំនង រវាងសហរដ្ឋអាមេរិក និងទ្វីបអាហ្វ្រិក ឲ្យបានកាន់តែទូលំទូលាយ។ វិសាលភាពដែលលោកអូបាម៉ាចង់សំដៅនេះ គឺកម្រិតនៃការនាំចេញ របស់សហរដ្ឋអាមេរិក ទៅទ្វីបអាហ្វ្រិក។
ដំណើរទស្សនកិច្ចរបស់លោកប្រធានាធិបតីអាមេរិក នៅប្រទេសកេនយ៉ានាពេលកន្លងមក គឺផ្តោតសំខាន់ តែទៅលើវិស័យពាណិជ្ជកម្ម ដែលលោកអូបាម៉ា នឹងធ្វើការដឹកនាំវេទិកាសេដ្ឋកិច្ចមួយ ជាមួយនឹងភាគី កេនយ៉ា។ ក្រៅពីនេះ គេមិនប្រាកដទេ ថា លោកបារ៉ាក់អូបាម៉ា និងពិភាក្សាពីបញ្ហាសន្តិភាព ការប្រយុទ្ធប្រឆាំងនឹងភេរវកម្មនិយម របស់ក្រុមអ៊ីស្លាមជ្រុលនិយមនៅអាហ្វ្រិក។ អំពើភេរវកម្ម ដែលស្ថានទូតអាមេរិក ប្រចាំនៅ រដ្ឋធានីកេនយ៉ា ខ្លួនឯងផ្ទាល់ធ្លាប់បានទទួលរង កាលពីឆ្នាំ១៩៩៨ ដែលបានសម្លាប់មនុស្សជាង២០០នាក់ ក្នុងនោះ មានជនជាតិអាមេរិក១២ នាក់ផងដែរ។
ចំពោះពលរដ្ឋគេនយ៉ាដោយឡែកនិងពលរដ្ឋនៅក្នុងទ្វីអាហ្វ្រិកទាំងមូលពិតជាមានមោទនភាពយ៉ាងខ្លាំងនៅពេលដែលមានឈាមជ័រទ្វីបអាហ្វ្រីកកា្លយជាមេដឹកនាំសំខាន់នៅលើពិភពលោក ។ អ្វីដែលពិសេសជាងនេះនោះគឺប្រធានាធិបតីអាមេរិកមិនបានបំភ្លេចស្រុកកំណើតរបស់ខ្លួននោះឡើយ ហើយថែមទាំងជំរុញឲ្យយុវវ័យយកតម្រាប់តាមនៅអ្វីដែលល្អៗសម្រាប់ដឹកនាំប្រទេសជាតិគេនយ៉ាឲ្យរីកចំរើននាពេលអនាគត។
ប៉ុន្តែពលរដ្ឋគេនយ៉ាមួយចំនួនធំបង្ហាញការមិនសប្បាយចិត្តចំពោះលោកអូបាម៉ាដែលទៅកាន់ស្រុកកំណើតរបស់ខ្លួនយឺតពេក គួរណាសតែលោកជ្រើសរើសទស្សនកិច្ចគេនយ៉ាដំបូងគេបង្អស់ តែលោកអូបាម៉ាបានបែរខ្នងដាក់ពួកគេ អស់មួយអាណត្តិ និងទើបត្រលប់មករាក់ទាក់ជាមួយពួកគេ នៅពេលខ្លួន ជិតអស់អាណត្តិប្រធានាធិបតី អាមេរិកទៅហើយនោះ។
ចំពោះលោកអូបាមាវិញ ស៊ូទៅយឺតប្រសើរជាងមិនទៅ ដោយលោកអូបាមានបានបញ្ចាក់ ការដឹកនាំអាមេរិកមិនមែនអាមេរិកមួយប៉ុណ្ណោះតែ អម្រែករបស់មេដឹកនាំមហាអំណាចពិភពលោក គឺប្រទេសទាំងអស់នៅលើពិភពលោក សុខទុក្ខរបស់ពលរដ្ឋលើពិភពលោកទាំងមូល មិនអាចលម្អៀងទៅលើប្រទេសណាមួយនោះឡើយ។ បច្ចុប្បន្នមានប្រទេសជាច្រើនដែលត្រូវការអាមេរិកជាងគេនយ៉ាងទៅទៀត ទាំងនោះហើយទើបធ្វើឲ្យអូបាម៉ាយឺតយ៉ាវក្នុងការធ្វើទស្សនកិច្ចទៅកាន់ស្រុកកំណើតឪពុក៕
