ខេត្តស្វាយរៀង៖ បុរសម្នាក់ត្រូ
តាមសមត្ថកិច្ចនគរបាលឃុំសំបួរបានឲ្យដឹងថា បុរសដែលចង.កសម្លាប់ខ្លួនមានឈ្មោះ យាន ភារម្យ អាយុ២០ឆ្នាំមុខរបរកម្មករដឹកដីមានទីលំនៅក្នុងភូមិសង្គ្រោះ ឃំុសំបួរ ស្រុកស្វាយទាប ខេត្តស្វាយរៀង។
តាមអ្នកភូមិបានឲ្យដឹងថា បុរសខាងលើមានមុខរបរស៊ីឈ្នួលបើកគោយន្តដឹកដីឲ្យគេហើយខណៈក្រោយពីត្រលប់មកផ្ទះគេគឺតែងតែផឹកស្រាស្រវឹងស្ទើររាល់ថ្ងៃមិនដែលខានមិនតែប៉ុណ្ណោះស្រវឹងម្ដងៗនិយាយត្រលប់ត្រឡិនដូចជាមនុស្សមានជំងឺសសៃប្រសាទ។
អ្នកភូមិបន្តថា នៅយប់កើតហេតុអ្នកភូមិឃើញបុរសខាងលើដើរត្រលប់មកផ្ទះទាំងអាការស្រវឹងស្រាដើរទ្រេតទ្រូតពេញផ្លូវមិនដឹងផឹកនៅកន្លែងទាមស្រាណាទេ លុះនៅព្រឹកឡើងវេលាម៉ោង៥ព្រឹកស្រាប់តែអ្នកភូមិប្រទះឃើញចង.កសម្លាប់ខ្លួនក្រោមដើមព្រីងខាងក្រោយផ្ទះប្រមាណ២០០ម៉ែត្របង្កឲ្យមានការភ្ញាក់ផ្អើលតែម្ដង។
សមត្ថកិច្ចនគរបាលមូលដ្ឋាននិងនគរបាលជំនាញក៏បានមកពិនិត្យសាកសពឃើញថា បុរសនេះបានយកកន្សែងពោះគោចងនិងដើមព្រីងដោយសភាពសពស្លាប់ប្រហែលម៉ោងប្រមាណ១១យប់ក្រោយពីធ្វើកោសវិច្ច័យរួចមកមិនឃើញមានស្លាកស្នាមអ្វីដែលសម្គាល់ជាអំពើរឃាដកម្មនោះទេ។
បច្ចុប្បន្នសពត្រូវបាននគរបាលស្រុកប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ៖ យឹមសុថាន
