ភ្នំពេញ៖ ក្រុមសង្គមសីវិលក៏ដូចជាសកម្មជនរបស់បក្សប្រឆាំងនៅតែបន្តយុទ្ធនាការពាក់អាវខ្មៅសម្រាប់ការតវ៉ានៅថ្ងៃអាទិត្យ បំពានទៅនឹងការហាមឃាត់ពី
យ៉ាងតិចមនុស្ស៤នាក់ត្រូវបាននគរបាលខណ្ឌពោធិ៍សែនជ័យនាំខ្លួនមកសាកសួរនៅប៉ុស្តិ៍កាកាប កាលពីព្រឹកថ្ងៃទី២០ ខែមិថុនា ឆ្នាំ២០១៦ បន្ទាប់ពីប្រមូលផ្តុំគ្នាស្លៀកពាក់ខ្មៅក្នុងយុទ្ធនាការទាមទារឲ្យមានការដោះលែងជនជាប់ចោទជាមន្ត្រីសិទ្ធិមនុស្ស និងមន្ត្រីគជប ដែលកំពុងជាប់ឃុំ។
លោក យឹម សារ៉ាន់ អធិការនគរបាលខណ្ឌពោធិ៍សែនជ័យបានប្រាប់ នគរដ្រេហ្គន តាមទូរស័ព្ទនារសៀលថ្ងៃទី២០ ខែមិថុនា ឆ្នាំ២០១៦ថា សមត្ថកិច្ចបានហៅពួកគាត់មកសាកសួរមកទល់នៅម៉ោង១និង២០នាទីនេះមិនទាន់ចប់នៅឡើយ បន្ទាប់ពីប្រមូលផ្តុំគ្នាលើបាដាដឹកនាំដោយឈ្មោះ ច្រាយ នីម តវ៉ាស្លៀកពាក់ខ្មៅបំពានទៅនឹងការហាមឃាត់។
លោកអធិការបន្តថា ករណីនេះដឹកនាំបញ្ជាដោយគណៈបញ្ជាការឯកភាពខណ្ឌដើម្បីពង្រឹងសន្តិសុខសណ្តាប់ធ្នាប់ក៏ដូចជាគោលការណ៍សាលារាជធានីភ្នំពេញ៕
ដោយ៖ សុខ ខេមរា
