លោក Aitor Karanka គ្រូបង្វឹករបស់ ក្រុម Middlesbrough បានអះអាងថា លោក Jose Mourinho គឺជាគ្រូបង្វឹកដ៏ល្អ បំផុតក្នុងពិភពបាល់ទាត់។

Karanka ធ្លាប់ធ្វើការជាមួយនឹងគ្រូបង្វឹកសញ្ជាតិព័រទុយហ្គាល់ Jose Mourinho កាលពីគាត់នៅដឹកនាំក្រុម Real Madrid តែសម្រាប់រដូវកាលថ្មីនេះពួកគេទាំងពីរនឹងត្រូវដឹកនាំក្លិបផ្សេងគ្នានៅក្នុងក្របខ័ណ្ឌ អង់គ្លេស Premier League។

លោក Aitor Karanka បាននាំក្រុម Middlesbroughឡើងពីក្របខ័ណ្ឌអង់គ្លេស Championship មកកាន់ក្របខ័ណ្ឌកំពូល របស់អង់គ្លេស ចំណែកលោក Mourinho ជាគ្រូបង្វឹកថ្មីរបស់ក្រុមបិសាចក្រហម Manchester United ។

Karanka បាននិយាយប្រាប់ពីបទ ពិសោធន៍ជាមួយនឹងលោក Mourinho ថា “ពេលធ្វើការជាមួយនឹងលោកMourinhoខ្ញុំបានរៀនពីតម្លៃនៃភាពស្មោះ ត្រង់ហើយ វាគឺជាចំណុចសំខាន់បំផុតរបស់ក្រុម”៕

ដោយ៖ ដេវីត