ភ្នំពេញ៖ ឥទ្ធិពលនៃគ្រឿងញៀនបានធ្វើឲ្យយុវជនម្នាក់មានអារម្មណ៍មិននឹងន៏ប្រឹងឡើងលើដំបូលផ្ទះអ្នកជិតខាង បង្កឲ្យមានការភ្ញាក់

ផ្អើលស្មានថាមានករណីប្រុងលោតសម្លាប់ខ្លួន កាលពីវេលាម៉ោង៥ និង១៥នាទីល្ងាចថ្ងៃទី២៣ ខែមិថុនា ឆ្នាំ២០១៦ នៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ។

គេពុំទាន់ដឹងអត្តសញ្ញាណបុរសបែកថ្នាំខាងលើនេះនៅឡើយទេ ប៉ុន្តែប្រជាពលរដ្ឋនៅមូលដ្ឋាននោះបានភ័យខ្លាចនិងព្រួយបារម្ភយ៉ាងខ្លាំង ជុំវិញភាពអណាធិបតេយ្យនៃសកម្មភាព ការប្រើប្រាស់ ចែកចាយ ជួញដូរគ្រឿងញៀន នៅមូលដ្ឋាននោះកាន់តែរីកដុះដាល ហើយពង្វក់កុមារ និងអ្នកជាច្រើនទៀតឲ្យឈ្លក់វង្វេងសេពគ្រឿងញៀន បាត់បង់ សុភមង្គលក្នុងគ្រឿងសារ និងមានអំពើចោរកម្ម ហិង្សា ជាហូរហែលកើតចេញពីប្រភពនៃគ្រឿងញៀននេះ។

សមត្ថកិច្ចនគរបាលប៉ុស្តិ៍ទឹកថ្លា និងអាជ្ញាធរមូលដ្ឋានបានឲ្យយុវជនបែកថ្នាំចុះពីលើដំបូលផ្ទះដើម្បីសុវត្ថិភាពការគ្រោះថ្នាក់ និងយករូបគេទៅសួរនាំដើម្បីអប់រំកែប្រែឲ្យក្លាយទៅជាយុវជនដ៏ល្អក្នុងសង្គមដែលកំពុងមានការអភិវឌ្ឍន៍រីកចម្រើន៕

ដោយ៖ តុង សីហា