ក្រុមជម្រើសជាតិឈីលីមានឱកាសឡើងទៅវគ្គផ្តាច់ព្រ័ត្រនៃកម្មវិធី Copa America បន្ទាប់ពីយកឈ្នះលើក្រុមកូឡុំប៊ីដោយ

លទ្ធផល២-០រួចមក។

២គ្រាប់របស់ក្រុមម្ចាស់ជើងឯកចាស់ឈីលីកើតឡើងតែក្នុង១១នាទីដំបូង ប៉ុណ្ណោះក្នុងតង់ទី១ដោយកីឡាករ Charles Aranguiz និង Jose Fuenzalida។ ការប្រកួតតង់ទី២ត្រូវបានពន្យារពេលរហូតដល់ជិត២ម៉ោងដោយសារតែព្យុះភ្លៀងនិងការ ព្រួយបារម្ភពីរន្ទះ។

បន្ទាប់ពីមេឃស្រឡះការប្រកួតតង់ទី២ក៏បន្តតែអ្វីដែលបង្កការលំបាកដល់កីឡាករគឺទឹកនិងសំណើមលើទីលាន។ ក្រុមទាំងពីរមិនអាចធ្វើអ្វីគ្នាបាននោះទេក្នុងតង់ទី២ ហើយចប់ការប្រកួតក្រុមឈីលីឈ្នះក្រុម២ទល់នឹងសូន្យ ។

ក្រុមជម្រើសជាតិឈីលីនឹងត្រូវជួបក្រុមអាហ្សង់ទីនសារជាថ្មីម្តងទៀតក្នុងវគ្គផ្តាច់ព្រ័ត្រនៅថ្ងៃទី២៧ ខែមិថុនា ឆ្នាំ២០១៦ ដោយពួកគេបានជួបគ្នានៅវគ្គផ្តាច់ព្រ័ត្រកាលពីឆ្នាំ២០១៥ហើយឈីលីឈ្នះដោយបាល់ប៉េណាល់ទី៕

ដោយ៖ ដេវីត