ភ្នំពេញ៖ រាជរដ្ឋាភិបាលកម្ពុជាតាមរយៈក្រសួងសេដ្ឋកិច្ចនិងហិរញ្ញវត្ថុបានទទួល ជំនួយឥតសំណងចំនួន
នៅក្នុងពិធីចុះហត្ថលេខាលើកិច្ចព្រមព្រៀងហិរញ្ញប្បទានឥតសំណងរបស់សហភាពអឺរ៉ុបសម្រាប់គំាទ្រកម្មវិធីហិរញ្ញ វត្ថុរវាងរាជរដ្ឋាភិបាលកម្ពុជា សហភាពអឺរ៉ុប និង Sidaនៅរសៀលថ្ងៃទី២៣ ខែមិថុនា នៅទីស្តីការក្រសួងសេដ្ឋកិច្ចលោក អូន ព័ន្ធមុនីរ័ត្ន រដ្ឋមន្រ្តីក្រសួងហិរញ្ញវត្ថុមាន ប្រសាសន៍ដោយបង្ហាញការជឿជាក់យ៉ាងមុតមាំថា ហិរញ្ញប្បទានសហប្រតិបត្តិការរវាងរាជរដ្ឋាភិបាលកម្ពុជា សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍន៍អន្តរជាតិស៊ុយអែត (Sida) នឹងត្រូវបានប្រើប្រាស់ប្រកបដោយប្រសិទ្ធភាព តម្លា ភាព និងគណនេយ្យភាព ដើម្បីសម្រេច បាននូវសូចនាករដែលបានកំណត់ក្នុងកិច្ចព្រមព្រៀង។
រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ រូបនេះបន្តទៀតថា ហិរញ្ញប្បទានឥតសំណង ចំនួន៣៣,១លានអឺរ៉ូនេះគឺប្រើប្រាស់រយៈពេល៤ឆ្នាំចាប់ពីឆ្នាំ២០១៦ដល់ឆ្នាំ២០១៩។ សូមជម្រាបផងដែរថា កិច្ចព្រមព្រៀងដែលគំាទ្រសម្រាប់ដំណាក់កាលទី៣ «ការផ្សារភ្ជាប់ថវិកាទៅនឹងគោលនយោបាយ» នេះ គឺនឹងពង្រឹងសកម្មភាពសំខាន់ៗមួយចំនួនដូចជា ការកែលំអគុណភាពស្ថិតិជាតិ, កែលម្អប្រព័ន្ធព័ត៌មានវិទ្យាហិរញ្ញវត្ថុសាធារណៈ ការពង្រឹងសុក្រឹតភាព និងតម្លាភាព ថវិកានៃការផ្ទេរថវិកាទៅថ្នាក់ក្រោមជាតិ, ពង្រឹងតម្លាភាពថវិកា និងការបង្កើនការអនុវត្តថវិកាផ្អែកលើសមិទ្ធផលជាដើម៕
ដោយ៖ សហការី
