ខេត្តស្វាយរៀង: បុរសម្នាក់បានរងរបួសធ្ងន់ត្រូវបានក្រុមគ្រួសារប្រញាប់ប្រញាល់ដឹកយកទៅសង្គ្រោះនៅមន្ទីរពេទ្យសាមគ្គីរំដួល បន្ទាប់ពីឡើងផ្សារដែកខ្វះការប្រុងប្រយ័ត្ន លើកដែកប៉ះខែ្សកាប្លិបណ្ដាលឱ្យឆក់ធ្លាក់មកដីបង្កការភ្ញាក់ផ្អើលតែម្ដង។

ហេតុការណ៍នេះបានកើតឡើងកាលពីវេលាម៉ោង២និង៣០នាទីតសៀល ថ្ងៃទី០៦ខែកក្កដាឆ្នាំ២០២៣ ស្ថិតនៅភូមិព្រៃស្រគុំ ឃុំពងទឹក ស្រុករំដួលខេត្តស្វាយរៀង។

យោងតាមនគរបាលស្រុកបានឱ្យដឹងថា បុរសខាងលើមានឈ្មោះ យ៉ុន បូរី អាយុ ៣៥ឆ្នាំ រស់នៅភូមិព្រៃស្រគុំ ឃុំ ពងទឹក ស្រុករំដួល។

តាមសាក្សីបានឱ្យដឹងថា មុនពេលកើតហេតុគេឃើញបុរសខាងលើបានឡើងធ្វើតូបលក់ដូរដោយបាន
ឡើងផ្សារដែកដូចធម្មតា ហើយក៏បានលើកដែកទៅប៉ះខែ្សកាប្លិខាងលើ  បណ្ដាលអោយឆក់ធ្លាក់មកដី ទើបបង្កការភ្ញាក់ផ្អើលដល់អ្នកភូមិនិងក្រុមគ្រួសារប្រញាប់ប្រញាល់ជួយសង្គ្រោះដឹកយកទៅកាន់មន្ទីរពេទ្យសាមគ្គីរំដួលភ្លាមៗផងដែរ៕ ដោយ៖សុថាន