ភ្នំពេញ៖ ដំណើរការចរាចរណ៍ត្រូវកកស្ទះនៅតាមបណ្តោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ បន្ទាប់ពីមានភ្លៀងមួយមេយ៉ាងធំលាយឡំដោយខ្យល់កន្ត្រាក់បណ្តាលឲ្យដើមឈើមួយដើមបាក់រលំមកកណ្តាលផ្លូវ កាលពីម៉ោងប្រមាណ៣រសៀលថ្ងៃទី២៧ ខែមិថុនា ឆ្នាំ២០១៦។

សេចក្ដីរាយការណ៍ពីភ្នាក់ងារ នគរដ្រេហ្គន បានឲ្យដឹងថា ករណីនេះមានរថយន្តនិងម៉ូតូរួមនឹងអ្នកដំណើរថ្មើរជើងផងនោះបានខកដំណើរទៅមុខអស់រយៈជាងមួយម៉ោងទម្រាំអាជ្ញាធរដែនដីទៅជួយអន្តរាគមន៍កាប់ដើមនោះចេញទើបធ្វើចរាចរណ៍បានស្រួលឡើងវិញ៕

ដោយ៖ សីលា