នៅថ្ងៃទី​២៨ ខែមិថុនា នេះ មន្ត្រីអ៊ីរ៉ាក់បានឲ្យដឹងថា​ មានការវាយប្រាហារគ្រាប់បែកអត្តឃាត​ទៅលើព្រះវិហារក្រុមនិកាយសាន់នី​នៅភាគខាងលិចទីក្រុងបាដាត សម្លាប់មនុស្ស​ ១៤នាក់ និង​៣២នាក់រងរបួស ។

មន្ត្រីប៉ូលិសបានឲ្យដឹងថា រថយន្តដឹកទំនិញបានផ្ទុះនៅព្រះវិហារ Abu Ghraib កាលពីយប់​ថ្ងៃទី​២៧ ខែមិថុនា ក្នុងពេលដែលសាសនិកកំពុងតែធ្វើពិធីបន់ស្រន់ក្នុងខែហូបបួស ​Ramadan។

មកទល់ពេលនេះមិនទាន់មានក្រុមណាមួយចេញមុខទទួលខុសត្រូវពីការវាយប្រាហារគ្រាប់បែកអត្តឃាតខាងលើនៅឡើយទេ ប៉ុន្តែប្រភពព័ត៌មានមួយចំនួនបានបញ្ចាក់ថា ក្រុម IS ជាអ្នកនៅពីក្រោយការវាយប្រហារទាំងនោះ។

កាលពីខែឧសភា ក្រុម ​IS ក៏បានបើកការវាយប្រហារជាច្រើនលើកទៅលើពលរដ្ឋស្លូតត្រង់​និងបំផ្លាញហេដ្ឋារចនាសម្ព័ន្ធ និងប្រព័ន្ធសន្តិសុខនៅក្នុងទីក្រុងបាដាត និងតំបន់ជុំវិញ។

កាលពីថ្ងៃអាទិត្យកន្លងទៅ កម្លាំងទាហ៊ានអ៊ីរ៉ាក់ បានប្រកាសថា បានវាយប្រហារដណ្តើមទីក្រុង​ Fallujah ទាំងស្រុកមកគ្រប់គ្រង ក្រោយរយៈពេលយ៉ាងយូដែលស្ថិតនៅក្រោមការគ្រប់គ្រងរបស់ក្រុម ​IS ។ នៅពេលនេះក្រុម​ IS បានបាត់បង់ទឹកដីដែលខ្លួនធ្លាប់គ្រប់គ្រងបន្តិចម្តងៗក្រោយពេលដែលក្រុមនេះរងការវាយប្រហារពីដែនអាកាសរបស់ប្រទេសលោកខាងលិច និងកាត់ផ្តាច់ប្រភពចំណូលរបស់ពួគេ៕

ប្រែសម្រួល៖ សាធី