ភ្នំពេញ៖ នៅរសៀលថ្ងៃទី២៨ខែមិថុនា ឆ្នាំ២០១៦នេះលោកថេង សុថុល ប្រធានគណៈកម្មការអនុសាខាកាក បាទក្រហមកម្ពុជាខណ្ឌសែនបាននាំយកបាននាំយកនូវអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាមកចែកជូនបងប្អូនប្រជាពលរដ្ឋជាជនងាយរងគ្រោះធម្មជាតិជនចាស់ជរាចំនួន០៣គ្រួសារនៅភូមិត្រពាំងមានសង្កាត់ក្រាំងធ្នង់ខណ្ឌសែនសុខ។
គួរំលឹកថាកាលពីថ្ងៃទី២៧ខែមិថុនាឆ្នាំ២០១៦មានគ្រោះធម្មជាតិបង្ករជាភ្លៀងនិងខ្យល់កន្ទាក់យ៉ាងខ្លាំបណ្តាលអោយផ្ទះពលរដ្ឋចំនួន២គ្រួសាររងការខូចខាតដោយគ្រួសាររទី១គឺដើមឈើដួលរំលំមកលើផ្ទះនិងគ្រួសារទី២ត្រូវខ្យល់បក់របើកដំបូលផ្ទះធ្លាក់ទៅវាលស្រែប៉ុន្តែមិនមានអ្នករងរបួសទេ។
ដោយមានការយកចិត្តទុកដាក់ពីថ្នាក់ដឹកនាំខណ្ឌក៍ដូចជាអាជ្ញាធរមូលដ្ឋានទើបនៅរសៀលថ្ងៃទី២៨នេះលោកថេង សុថុល អភិបាលរងខណ្ឌនិងជា ប្រធានគណៈកម្មការអនុ
សាខាកាក បាទក្រហមកម្ពុជាខណ្ឌបាននាំយកអំណោយទៅចែកជូនបងប្អូននាពេលនេះ គឺក្នុងមួយគ្រួសារៗ ទទួលបានអង្ករ ២៥គីឡូក្រាមមី ២កេសត្រីខ ១យួរទឹកត្រី១យួរ
ទឹកសីុអីុវ១យួរទឹកក្រូច១កេះទឹកផ្លែឈល១កេះស្ករស៣គីឡូក្រាមទឹកសុទ្ធ១កេះនិងសម្ភារះផ្ទះបាយ១ឈុតធំ និង ថវិកា១៥មឺុនរៀល ។
ក្នុងឱកាសនោះផងដែរ លោកថេង សុថុល បានមានប្រសាសន៍បញ្ជាក់ពីការយកចិត្តទុក្ខដាក់ពីសំណាក់ សម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែន ប្រធានកាកបាទក្រហមកម្ពុជា និងបានពាំនាំមកនូវការផ្តាំផ្ញើរសួរសុខទុក្ខព្រមទាំងលើកទឹកចិត្តដល់បងប្អូនប្រជាពលរដ្ឋអោយខិតខំប្រកបរបរចិញ្ចឹមជីវិតតាមលទ្ធភាពដែលអាចធ្វើទៅបាន។លោកបន្តថាអំណោយទាំងនេះបើទោះមានតិចតួចមិនអាចអំពេញនូវតម្រូវការរបស់បងប្អូនបានក៏ពិតមែន តែក៏អាចជួយបងប្អូនបានមួយគ្រាផងដែរ ៕
ជាចុងក្រោយបងប្អូនប្រជាពលរដ្ឋដែលបានទទួលអំណោយនាឱកាសនេះ បានសម្ដែងនូវក្ដីរីករាយ និងមានមតិថ្លែងអំណរគុណយ៉ាងជ្រាលជ្រៅ និងគោរពជូនពរសម្ដេចកិត្តិព្រឹទ្ធបណ្ឌិតនិងក្រុមគ្រួសារដែលលោកតែងតែយកចិត្តទុក្ខដាក់គិតគូរដល់ការស់នៅគិតគូរពីសុខទុក្ខរបស់ប្រជាពលរដ្ឋគ្រប់កាលៈទេសៈ មិនថាសាសនា និន្នាកានយោបាយ ជាតិសាសន៍ណាឬពណ៌សម្បុអ្វីឡើយគឺសម្ដេចតែងតែជួយឧបត្ថម្ភជានិច្ច ៕
ដោយ៖ តុង សីហា
