កីឡាករអន្តរជាតិប្រេស៊ីល Dani Alves បានផ្លាស់ចេញពីក្រុម Barcelona ម្ចាស់ជើងឯកប្រទេសអេស្ប៉ាញទៅកាន់ម្ចាស់ជើង ឯកអុីតាលីសេះបង្កង់ Juventus ជាផ្លូវការហើយដោយចុះកុងត្រារយៈពេល២ឆ្នាំ។

ខ្សែការពារស្លាបស្តាំវ័យ៣៣ឆ្នាំរូបនេះបានចាកចេញពីក្លិប Barcelona ដោយគ្មាន តម្លៃខ្លួនផ្ទេរនោះទេ ក្រោយលេងឲ្យក្លិប បាន៨ឆ្នាំ ។ Dani Alves បានផ្ទេរពីក្រុម Sevilla មកកាន់ Barcelona ក្នុងតម្លៃខ្លួន ៣០លានអឺរ៉ូ ។

ក្នុងអំឡុងពេលលេងឲ្យក្រុម Barcelona កីឡាករ Dani Alves បានឈ្នះជើងឯក អេស្ប៉ាញ Primera Liga ចំនួន៦ដង និង​Champions League ចំនួន៣ដង។ ចំណែក ភារកិច្ចនៅក្នុងក្រុមជម្រើសជាតិប្រេស៊ីល វិញគាត់ធ្លាប់បានលេងចំនួន៩៣ដង៕

ដោយ៖ ដេវីត