ខេត្តកំពង់ចាម៖ ការកើនឡើងយ៉ាងឆាប់រហ័សនៃការបំពុលដោយប្លាស្ទិក និងសំរាមសមុទ្របង្កើតជាបញ្ហាបរិស្ថានយ៉ាងធ្ងន់ធ្ងរទាំងនៅថ្នាក់ជាតិ តំបន់ និងពិភពលោក ដែលឥទ្ធិពលអវិជ្ជមានដល់បរិស្ថាន សង្គម និងសេដ្ឋកិច្ចនៃការអភិវឌ្ឍប្រកបដោយចីរភាព។ នេះជាការបញ្ជាក់ពីលោក បណ្ឌិត ភាវ សុវុទ្ឋី អនុរដ្ឋលេខាធិការក្រសួងបរិស្ថាន ។
សូមបញ្ជាក់ថា ៖ លោកបណ្ឌិត ភាវ សុវុទ្ឋី អនុរដ្ឋលេខាធិការក្រសួងបរិស្ថាន បានអញ្ជើញជាអធិបតិក្នុងពិធីបើកសិក្ខាសាលាពិគ្រោះយោបល់លើកទីទី៤ ស្តីពីការរៀបចំដែនការសកម្មភាពជាតិសម្រាប់កាត់បន្ថយសម្រាមសមុទ្រនៅកម្ពុជា និង Dr. Yasuhiko Hotta ប្រធាន នៃគម្រោង JAIF , IGES ព្រមទាំងលោក លោកស្រីជាច្រើនរូបមកពីថ្នាក់ជាតិ និងថ្នាក់ក្រោមជាតិចូលរួមនាថ្ងៃទី៣១ ខែសីហា ខែកញ្ញា ឆ្នាំ២០២៣។
មានប្រសាសន៍ក្នុងឱកាសនោះ លោកបណ្ឌិត អនុរដ្ឋលេខាធិការក្រសួងបរិស្ថានបានលើកឡើងថា៖ ការកើនឡើងយ៉ាងឆាប់រហ័សនៃការបំពុលដោយប្លាស្ទិក និងសំរាមសមុទ្របង្កើតជាបញ្ហាបរិស្ថានយ៉ាងធ្ងន់ធ្ងរទាំងនៅថ្នាក់ជាតិ តំបន់ និងពិភពលោក ដែលឥទ្ធិពលអវិជ្ជមានដល់បរិស្ថាន សង្គម និងសេដ្ឋកិច្ចនៃការអភិវឌ្ឍប្រកបដោយចីរភាព។ កត្តានេះបណ្តាលឱ្យមានផលប៉ះពាល់អវិជ្ជមាន ទាំងការខូចខាតខឿនសេដ្ឋកិច្ច និងប្រព័ន្ធអេកូឡូស៊ីនៅក្នុងសមុទ្រជាងរាងរាល់ឆ្នាំ ហើយប្រទេសកម្ពុជាក៏កំពុងទទួលរងផលប៉ះពាល់យ៉ាងធ្ងន់ធ្ងរ ជាពិសេសបានផ្តល់ផលប៉ះពាល់ដល់ជីវភាពរស់នៅរបស់សហគមន៍នៅតាមឆ្នេរសមុទ្ររបស់យើង។
លោក អនុរដ្ឋលេខាធិការបានបន្តទៀតថា៖ ការងារអទិភាពយើងត្រូវគិតគូរពីការគិតគូការទទួលខុសត្រូរបស់អ្នកផលិត (EPR) ការបង្កើនសមត្ថភាព និងការផ្លាស់បូរឥរិយាបទរបស់អ្នកផលិតសំរាម ការបែងចែកសំរាមដោយ គិតចាប់ពីកុមារតូចដោយបញ្ជ្រាបក្នុងវិស័យអប់រំ ដើម្បីជំរុញនូវការអប់រំផ្សព្វផ្សាយ និងការបង្កើនសកម្មភាពក្នុងការរៀបចំសាលាមេត្រីភាពបរិស្ថាន អារាមមេត្រីភាព មណ្ឌលសុខភាពមេត្រីភាពបរិស្ថាន និងភូមិ ឃុំមានសុវត្ថិភាពដោយគិតគូរការងារបរិស្ថាននិងអនាម័យផងដែរ។ទទ្ទឹមនិងការធ្វើទំនើបកម្មនាំការគ្រប់គ្រងសំរាម ដោយស្វែងរកនុវានុវត្តន៍ នៃការគ្រប់គ្រងសំណស់ដោយប្រើប្រាស់ប្រព័ន្ធកុំព្យូទ័រតាមដាន ហើយ ការបែងចែក ការកែច្នៃសំរាមទាំងសំរាមផ្លាស្ទិចអាចលក់ទៅធ្វើ ជាវត្ថុធាតុ ដើមឡើងវិញ ឬប្រេងឥន្ទនៈ និងសំរាមសរីរាង្គដែលអាចជាជីកំបុស្តិ៍ និងការប្រើប្រាស់ឡើងវិញ។ ត្រូវបញ្ជ្រាប់ទស្សនៈទានភាពជាដៃគូររាជរដ្ឋា ភិបាលនិងផ្នែកឯកជន(PPP) ទៅក្នុងខ្សែច្រវ៉ាក់នៃការគ្រប់គ្រង សំណល់ រឹង និងរាវផងដែរ ហើយត្រូវបញ្ជ្រាបផែនការសកម្មភាពគោលបយោបាយ ថ្មីៗនៅយុទ្ឋសាស្រ្តបច្ចុកោនរបស់រាជរដ្ឋាភិបាលតំណាក់កាលទី៧ ឲ្យទៅក្នុងផែនការអភិវឌ្ឍន៍ថ្នាក់ក្រោមជាតិ និងជាតិ ។
គួរបញ្ជាក់ថាសិក្ខាសាលានេះមានរយៈពេល ២ថ្ងៃចាប់ពីថ្ងៃទី៣១ ខែសីហា ដល់ថ្ងៃទី០១ ខែកញ្ញាឆ្នាំ២០២៣រៀបចំដោយនាយកដ្ឋាន សេដ្ឋកិច្ចបៃតង សហការ រាជរដ្ឋាភិបាលជប៉ុន និងដៃគួរអនុវត្តគម្រោង៕
ដោយ ៖ សហការី
