ភ្នំពេញ ៖ បណ្ឌិត ហ៊ុន ម៉ាណែត នឹងបង្ហាញមុខជាលើកទីមួយបង្អស់លើឆាកអន្តរជាតិ ក្នុងនាមជាមេដឹកនាំកំពូលវ័យក្មេងជាងគេ ក្នុងជំនួបកំពូលអាស៊ាន សប្តាហ៍ក្រោយ… ។ នេះជាអត្ថបទលើកឡើងដោយ ហ្សង់-ហ្វ្រង់ស័រ តាន់(រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការ ការបរទេស និងសហប្រតិបត្តិការអន្តរជាតិ)
*ជាភាសាខ្មែរនិងអង់គ្លេស/In Khmer and English ។
លោកបាន សរសេរថា ៖ បណ្ឌិត ហ៊ុន ម៉ាណែត នឹងបង្ហាញមុខជាលើកទីមួយបង្អស់លើឆាកអន្តរជាតិ ក្នុងនាមជាមេដឹកនាំកំពូលវ័យក្មេងជាងគេ ក្នុងជំនួបកំពូលអាស៊ាន សប្តាហ៍ក្រោយ…
១. ថ្ងៃចន្ទទី៤កញ្ញាសប្តាហ៍ក្រោយ នាយករដ្ឋមន្ត្រីកម្ពុជា ឯកឧត្តមកិត្តិទេសា ភិបាលបណ្ឌិត ហ៊ុន ម៉ាណែត នឹងអញ្ជើញទៅឥណ្ឌូណេស៊ី ដើម្បីចូលរួមក្នុងជំនួបកំពូលអាស៊ាន, ជំនួបកំពូលអាស៊ានបូក និង ជំនួបកំពូលអាស៊ីបូព៌ា។ សម្រាប់កម្ពុជាដែលជាសមាជិករបស់អាស៊ានតាំងពីឆ្នាំ១៩៩៩មកម្ល៉េះ ជំនួបកំពូលទាំងអស់នេះ ជា បន្តុំព្រឹត្តិការណ៍តំបន់សំខាន់ជាងគេបង្អស់ប្រចាំឆ្នាំ។
២. សម្រាប់ប្រមុខរាជរដ្ឋាភិបាលថ្មីនៃកម្ពុជាវិញ ទាំងនេះគឺជាឱកាសមួយពោរពេញទៅដោយនិមិត្តរូបនយោបាយ។ ម្យ៉ាង ពីព្រោះ ជាលើកទីមួយបង្អស់ហើយ ដែលឯកឧត្តមបណ្ឌិត, ក្នុងនាមជានាយករដ្ឋមន្ត្រីថ្មីនៃប្រទេសកម្ពុជាតាំងពីថ្ងៃទី២២សីហាមកម្ល៉េះ, នឹងបង្ហាញមុខជាផ្លូវការលើឆាកអន្តរជាតិ។ ម្យ៉ាងទៀត ពីព្រោះនៅថ្ងៃទី៥កញ្ញាខាងមុខនេះ នៅទីក្រុងហ្សាការតា ឯកឧត្តមបណ្ឌិត នឹងមានឈ្មោះជាមេដឹកនាំកំពូលក្មេងជាងគេបង្អស់ក្នុងចំណោមមេដឹកនាំកំពូលបច្ចុប្បន្នទាំង១០រូបរបស់អាស៊ាន។ ម្យ៉ាងចុងក្រោយ ពីព្រោះពីថ្ងៃទី៥ដល់ថ្ងៃទី៧កញ្ញា ក្នុងរយៈពេលតែ២ថ្ងៃប៉ុណ្ណោះ នៅទីក្រុងហ្សាការតាដដែល, ឯកឧត្តមបណ្ឌិត ហ៊ុន ម៉ាណែត នឹងឃើញ, នឹងចាប់ដៃ, នឹងជួបជាផ្លូវការឬក្រៅផ្លូវការ, ប្រមុខរដ្ឋឬប្រមុខរដ្ឋាភិបាលឬក៏ថ្នាក់ដឹកនាំជាន់ខ្ពស់ចំនួន១៧នាក់យ៉ាងតិច ដែលមកពីបណ្តាប្រទេសអាស៊ីអាគ្នេយ៍, ចិន, ជប៉ុន, កូរ៉េខាងត្បូង, ឥណ្ឌា, អាមេរិក, រុស្ស៊ី, អូស្ត្រាលី, និង នូវែលសេឡង់។
៣. ប្រជាជាតិកម្ពុជាទាំងមូលគួរតែនិងត្រូវតែមានមោទនភាព ពីព្រោះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ត្រៀមរួចរាល់អស់ហើយ ទាំងកម្លាំងប្រាជ្ញា ទាំងកម្លាំងកាយ និង ទាំងកម្លាំងចិត្ត ដើម្បីការពារឧត្តមប្រយោជន៍ជាតិយើងនៅចំពោះមុខសមាជិកអាស៊ាន៩ដទៃផ្សេងទៀត និងដើម្បីការពារផលប្រយោជន៍រួមរបស់អាស៊ាននៅចំពោះមុខបណ្តាប្រទេសដៃគូសន្ទនារបស់អាស៊ាន។ បញ្ហាតំបន់ និងបញ្ហាអន្តរជាតិដែលប្រមុខរាជរដ្ឋាភិបាលវ័យក្មេងរបស់យើង ត្រូវចូលរួមដោះស្រាយ មានច្រើនណាស់, ជាអាទិ៍ វិបត្តិរ៉ាំរ៉ៃនៅមីយ៉ាន់ម៉ា, ការប្រជែងឥទ្ធិពលគ្នារវាងកំពូលមហាអំណាចពិភពលោក និង រវាងមហាអំណាចតំបន់ នៅក្នុងលំហនៃដែនអាស៊ី-ប៉ាស៊ីហ្វិក, និងជាពិសេស វិបត្តិសេដ្ឋកិច្ចសកលដែលបាននិងកំពុងបន្តជះផលអវិជ្ជមានមកលើជាតិមាតុភូមិយើង។
៤. ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត មានសមត្ថភាពហួសពីគ្រប់គ្រាន់ និង មានឆន្ទៈមោះមុតខ្លាំងណាស់ ដើម្បីលើកតម្កើងមុខមាត់កិត្តិយសនៃព្រះរាជាណាចក្រកម្ពុជា នៅលើឆាកអន្តរជាតិ។ ម្ល៉ោះហើយ ប្រជាជាតិកម្ពុជាទាំងមូលគួរតែនិងត្រូវតែរួបរួមគ្នាជាធ្លុងមួយ នៅពីក្រោយមេដឹកនាំប្រកបដោយថាមពលរបស់យើងរូបនេះ ដែលអាស៊ាននិងពិភពលោក នឹងសម្លឹងមើលហើយវាយតម្លៃ នៅទីក្រុងហ្សាការតា ប្រទេសឥណ្ឌូណេស៊ី សប្តាហ៍ក្រោយនេះ៕
————————————
Dr. Hun Manet – the Youngest Top Leader in Next Week’s ASEAN Summit
On Monday, 04 September 2023, H.E. Kitti Tesaphibal Dr. Hun Manet will go to Indonesia to attend the ASEAN Summit, ASEAN Plus Summit, and East Asia Summit. For Cambodia, which has been an ASEAN Member State since 1999, these summits are some of the most important annual events. For the new Head of Government of Cambodia, they represent a great political opportunity for several reasons.
First, this is the first time that H.E. Dr. Hun Manet will officially be on the international stage in his full capacity as the new Prime Minister of Cambodia – which he has been since 22 August 2023.
Second, H.E. Dr. Hun Manet will be the youngest attendee among the Heads of State/Government of the 10 ASEAN Member States on 05 September in Jakarta, Indonesia.
Last but not least, from 05 to 07 September, during these two days in Jakarta, H.E. Dr. Hun Manet will shake hands with, and officially and unofficially meet at least 17 Heads of State/Government and Senior Leaders from Southeast Asian countries, China, Japan, South Korea, India, the United States of America, Russia, Australia, and New Zealand.
The Cambodian nation can be proud, as H.E. Kitti Tesaphibal Dr. Hun Manet is well prepared to maintain our national core interests before the other nine ASEAN Member States, and to defend ASEAN’s collective interests before the ASEAN Dialogue Partner countries. Our young Head of Government will be attending to address numerous regional and international issues. These include the Myanmar crisis, the regional and global power competition in the Asia Pacific, and the global economic crisis which has negatively impacted our country.
H.E. Kitti Tesaphibal Dr. Hun Manet is more than capable and strongly committed to promoting the image and reputation of the Kingdom of Cambodia on the international stage. Thus, our Cambodian nation must be united to stand by our highly esteemed and energetic leader, whom ASEAN and the world will meet and evaluate next week in Jakarta, Indonesia. ៕
ដោយ ៖ សហការី
