ភ្នំពេញ៖ ចៅក្រមជំនុំជម្រះសាលាដំបូងរាជធានីភ្នំពេញ លោក វ៉េង ហ៊ត់ នឹងធ្វើការប្រកាសសាលក្រមផ្តន្ទាទោសបុរសម្នាក់មានតួនាទីជាអតីតប្រធានការិយាល័យ អូស្ត្រាលី ញូស្ហេឡង់ នៅនាយកដ្ឋានអាស៊ី២ នៃក្រសួងការបរទេសនិងសហប្រតិបត្តិការអន្តរជាតិ នៅព្រឹកថ្ងៃទី២៧ ខែកក្កដា ឆ្នាំ២០១៦ ខាងមុខនេះ ពាក់ព័ន្ធការប្រព្រឹត្តអំពើពុករលួយ ។
នាពេលសវនាការ ជនជាប់ចោទ បានសារភាពថា ពិតជាបានប្រព្រឹត្តដូចការចោទប្រកាន់មែន ហើយស្នើឲ្យតុលាការបន្ធូរបន្ថយទោស ។
លោកអ៊ា សែ ត្រូវបានលោក ឃី ឆៃ ចៅក្រមស៊ើបសួរសាលាដំបូងរាជធានីភ្នំពេញ សម្រេចកាលពីរសៀលថ្ងៃទី២ ខែមេសា ឆ្នាំ២០១៦ ឃុំខ្លួនដាក់ពន្ធនាគារ ក្រោមការចោទប្រកាន់ពីបទវិតិក្រម តាមមាត្រា៥៩២ និង ៥៩៣ នៃក្រមព្រហ្មទណ្ឌ ដើម្បីស៊ើបអង្កេតបន្ថែមករណីប្រព្រឹត្តអំពើពុករលួយ តាមរូបភាពទទួលលុយពីក្រុមហ៊ុនបរទេសដើម្បីប្រថាប់ត្រាបញ្ជាក់លើឯកសារ៕
ដោយ៖ សហការី
