ភ្នំពេញ៖ ជនសង្ស័យ២នាក់ត្រូវប្រជាពលរដ្ឋនាំគ្នាដេញចាប់បានរួចព្រួតវាយម្នាក់មួយដៃមួយជើង បណ្ដាលឲ្យម្នាក់ស្លាប់និងម្នាក់ទៀតរងរបួសធ្ងន់ ក្រោយពីពួកគេធ្វើសកម្មភាពឆក់កាបូបពីមនុស្សប្រុសស្រី២នាក់ដែលជាប្តីប្រពន្ធ បានសម្រេចហើយព្យាយាមរត់គេចខ្លួនរត់មិនរួច ។
...
ករណីឆក់កាបូបខាងលើនេះបានកើតឡើងកាលពីវេលាម៉ោង១០ និង១០នាទីយប់ថ្ងៃទី៥ ខែកក្កដា ឆ្នាំ២០១៦ នៅចំណុចមុខវិទ្យាល័យជា សីុមសន្ធរម៉ុក ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
ជនសង្ស័យទាំងពីរមានឈ្មោះតុប លិ អាយុ២១ឆ្នាំ មុខរបរមិនពិតប្រាកដ ស្នាក់នៅផ្សារដេរប៉ូ១ ខណ្ឌទួលគោក ជាអ្នកឌុប និងម្នាក់ទៀតឈ្មោះ លក្ខណ ១៩ឆ្នាំ មុខរបរមិនពិតប្រាកដស្នាក់នៅសង្កាត់ភ្នំពេញថ្មី ខណ្ឌសែនសុខ ជាជនដៃដល់ជិះពីក្រោយ ដោយជិះម៉ូតូម៉ាកនិច ពណ៌ស គ្មានស្លាកលេខ។ ចំណែកឯជនរងគ្រោះទាំង២នាក់ខាងលើនោះទី១ឈ្មោះ រឿន វ៉ាន់នី អាយុ២២ឆ្នាំ មុខរបរកម្មការនី រោងចក្រមានប្តីឈ្មោះ វ៉ាន់ ណេង អាយុ៣០ឆ្នាំ មុខរបរជាងទូរស័ព្ទ ស្នាក់នៅផ្ទះជួលនៅម្ដុំទឹកថ្លា សង្កាត់ទឹកថ្លា ខណ្ឌសែនសុខ ជិះម៉ូតូមួយគ្រឿងម៉ាកស្មាសវី ពណ៌ក្រហម ពាក់ស្លាកលេខភ្នំពេញ 1BP-8404 ។
ក្រោយកើតហេតុ ជនរងគ្រោះត្រូវបានសមត្ថកិច្ចនាំមកដាក់ពាក្យបណ្ដឹងនៅអធិការដ្ឋាននគរបាលខណ្ឌទួលគោក រួមទាំងវត្ថុតាងចាប់យកពីជនសង្ស័យមានកាបូបស្ពាយចំហៀងរបស់ជនរងគ្រោះដែលមានទូរសព្ទ័ដៃមួយគ្រឿង និងលុយមួយចំនួនប្រគល់ឲ្យជនរងគ្រោះវិញ ៕
ដោយ៖ ស ដារ៉ា
...
