វិបត្ដិសេដ្ឋកិច្ចពិភពលោកបានចាប់ផ្ដើមកើតមានឡើងតាំងពីឆ្នាំ២០០៨ ហើយជះឥទ្ធពលយ៉ាងខ្លាំងដល់មូលនិធិសម្រាប់ក្រសួងការពារជាតិ របស់បណ្ដាប្រទេសធំៗនៅតំបន់អឺរ៉ុប ក៏ដូចនៅលើពិភពលោក។ ប៉ុន្តែក្រោយពេលមានសេដ្ឋកិច្ចល្អប្រសើរឡើងវិញហើយនោះប្រទេសមហាអំណាចបានបង្កើនការចំណាយរបស់ខ្លួនទៅលើវិស័យការពារជាតិក្នុងពេលដែលរងការគម្រាមកំហែងពីសត្រូវ និងក្រុមភេរវកម្ម។
តាមតួលេខរបស់មជ្ឈមណ្ឌលស្រាវជ្រាវអន្ដរជាតិស្ដុកខម (SIPRI) បានបញ្ជាក់ថា តាំងពីឆ្នាំ២០១០មកដល់ឆ្នាំ២០១៦ មូលនិធិសម្រាប់ការពារជាតិរបស់បណ្ដាប្រទេសក្នុងតំបន់អឺរ៉ុបថយចុះ២,៨ភាគរយ។ ក្នុងពេលនោះ បណ្ដាប្រទេសក្នុងតំបន់អាមេរិកខាងត្បូង និងទ្វីបអាស៊ីបែរជាកើនទៅវិញ។
សរុបមូលនិធិសម្រាប់ការពារជាតិនៅទូទាំងពិភពលោកបានកើនឡើង តាមការវាយតម្លៃរបស់ SIPRI គឺមានរហូតដល់១.៦៣០ពាន់លានដុល្លារ កើន១,៣ភាគរយ ស្មើនឹង២០,៦ពាន់លានដុល្លារ។ ក្នុងពេលនោះ អាមេរិកមានរហូតដល់១៩,៦ពាន់លានដុល្លារ។ មូលនិធិសម្រាប់ការពារជាតិរបស់បណ្ដាប្រទេសមហាអំណាចកើន២,៨ភាគរយ។ ប្រសិនមិនគិតអាមេរិកចូលនោះ មូលនិធិសម្រាប់ការពារជាតិនៅលើពិភពលោកកើនតែ០,១ភាគរយប៉ុណ្ណោះ។
ប្រសិនបើ គិតទាំងអាមេរិក កំណើនមូលនិធិសម្រាប់ការពារជាតិនៅឆ្នាំ២០១០ទាបបំផុតរយៈពេល ១០ឆ្នាំកន្លងមកនេះ។ តាមតួលេខរបស់ SIPRI ចាប់តាំងពីឆ្នាំ២០០១ ដល់ឆ្នាំ២០០៩ កំណើនមូលនិធិសម្រាប់ការពារជាតិលើពិភពលោកកើន១,៥ភាគរយក្នុងមួយឆ្នាំ៕
ប្រែសម្រួល៖ ម៉ែវ សាធី