ខេត្តសៀមរាប៖ បុរសម្នាក់បានស្លាប់ និងពីរនាក់ទៀតបានរងរបួសស្របពេលបញ្ជូនទៅដល់មន្ទីរពេទ្យ ដោយសារភាគីម្ខាងទៀត បើកជិះម៉ូតូធ្លាក់ជង្ហុករ៉េចង្កូតជ្រុលទៅបុកម៉ូតូជរងគ្រោះ ។ ហេតុការណ៍នេះកើងឡើងនៅវេលាម៉ោង៥និង៣០នាទីរសៀលថ្ងៃទី៨ ខែកក្កដា ឆ្នាំ២០១៦ លើកំណត់ផ្លូវក្រាសកៅស៊ូ អាជ្ញាធរអប្សារាស្ថិតក្នុងភូមិលលៃឃុំបាគង ស្រុកបា្រសាទបាគង ខេត្តសៀមរាប ។

សមត្ថកិច្ចស្រុកប្រាសាទបាគង បានឲ្យដឹងថា គ្រោះថ្នាក់ចរាចរណ៍ខាងលើនេះបង្កឡើងដោយ ម៉ូតូម៉ាកឌ្រីមសង់សេ១២៥ ពណ៌ខ្មៅ ពាក់ស្លាកលេខ សៀមរាប 1P : 9719 បើក បរដោយឈ្មោះទិត្យ ប៊ុនណាតភេទប្រុស អាយុ៣៣ឆ្នាំរស់នៅភូមិបន្ទាយចាស់ សង្កាត់ស្លក្រាមក្រុងសៀមរាប (របួសធ្ងន់) បើកពីត្បូងទៅជើងលុះដល់ចំណុចកើតហេតុបានធ្លាក់ក្រឡុករេចង្កូតទៅបុកម៉ូតូមួយគ្រឿងទៀតម៉ាក់ ឌ្រីមសង់ សេ១២៥ ពណ៌ខ្មៅពាក់ស្លាកលេខសៀមរាប 1A : 5021 បើកបរដោយឈ្មោះ ក្រូច សូវ ភេទប្រុសអាយុ៣៧ឆ្នាំរស់នៅសង្កាត់អំពិលក្រុងសៀមរាប(របួសធ្ងន់)និងអ្នករួមដំណើរ០២នាក់ទៀត (របួសធ្ងន់០១នាក់ និងស្រាល០១នាក់)។

កម្លាំងនគរបាល នៃអធិការដ្ឋាននគរបាលស្រុកប្រាសាទបាគងដែលបានដឹងហេតុការនេះបានឲ្យដឹងថាជនរងគ្រោះទាំងសងខាងបានបញ្ជូនទៅជួយសង្គ្រោះនៅមន្ទីរពេទ្យភ្លាមៗផងដែរ ចំពោះឈ្មោះ ទិត្យ ប៊ុន ណាត់ បានដាច់ខ្យល់ស្លាប់នៅក្នុងមន្ទីរពេទ្យ ដោយសារគ្រោះថ្នាក់ធ្ងន់ពេក។

នគរបាលដដែលបានបន្តថា ជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីចំពោះម៉ូតូទាំង០២គ្រឿងត្រូវបានកម្លាំងនគរបាលយកទៅរក្សាទុកនៅអធិការដ្ឋាននគរបាលស្រុកដើម្បីកសាងសំណុំរឿងតាមនីតិវិធីច្បាប់ ៕

ដោយ៖ ជានិរន្ដរ៍