ភ្នំពេញ៖ ក្រុមកីឡាករកីឡាការិនីមកពីប្រទេសិង្ហបុរីនាំគ្នាស្ពាយមេដាយស្ទើរបាក់កវិលត្រឡប់ទៅប្រទេសកំណើតរបស់ខ្លួនវិញ ចំណែកឯកីឡាករកីឡាការិនីម្ចាស់ផ្ទះកម្ពុជាដែលបានហ្វឹកហាត់អស់រយៈពេលជាច្រើនខែមកហើយនោះរកតែមេដាយ សំរឹទ្ធិ១គ្រឿងធ្វើថ្នាំគ្មានផងក្នុងព្រឹត្តិការណ៍ប្រកួតកីឡាវាយកូនឃ្លីលើតុជ្រើសរើសជើងឯកយុវជនអាស៊ីអាគ្នេយ៍អាយុក្រោម១៨ឆ្នាំដែលបានដំណើរប្រកួតចាប់ពីថៃ្ងទី៩ រហូតដល់ថៃ្ងទី១២ ខែកក្តដា ឆ្នាំ២០១៦ ហើយតែទើបបានបញ្ចប់ជាផ្លូវការហើយនោះ ។

លោកឧកញ៉ា រ័ត្ន សាខន បានអះអាង ថា ទោះបីជាកីឡាករកីឡាការិនីកម្ពុជាមិនទទួលបានមេដាយពីព្រឹត្តិការណ៍នេះក៏ដោយ ក៏កម្ពុជាទទួលបានបទពិសោធន៍ និងបច្ចេកទេសច្រើនពីប្រទេសទាំងនោះដែរ ហើយបទពិសោធន៍ដ៏ជូរចត់នេះនឹង ជំរុញឲ្យកីឡាករកីឡាការិនីរបស់កម្ពុជាកាន់តែខិតខំហ្វឹកហាត់បន្ថែមទៀតដើម្បីពង្រឹងសមត្ថភាពរបស់ខ្លួនត្រៀមចូលរួមប្រកួតលក្ខណៈអន្តរជាតិលើកក្រោយៗទៀត ។

សម្រាប់លទ្ធផលចំណាត់ថ្នាក់លើវិញ្ញាសាប្រកួតវាយគូនារីអាយុ១៥ឆ្នាំមេដាយមាសបានទៅម៉ាឡេស៊ី, លេខ២មេដាយ ប្រាក់បានទៅសិង្ហបុរីនិងលេខ៣មេដាយសំរឹទ្ធិបានទៅហ្វុីលីពីន ។ ផ្នែកបុរស ប្រកួតវាយគូ មេដាយមាសបានទៅ សិង្ហបុរី មេដាយប្រាក់បានទៅម៉ាឡេស៊ី និងមេដាយសំរឹទ្ធិបានទៅហ្វុីលីពីន ។

វិញ្ញាសាវាយគូផ្នែកនារីក្រោមអាយុ១៨ឆ្នំាមេដាយមាសសិង្ហបុរី មេដាយប្រាក់សិង្ហបុរីនិងមេដាយសំរឹទ្ធិបានទៅប្រទេសថៃ ។
វិញ្ញាសាប្រកួតវាយគូបុរសក្រោមអាយុ១៨ឆ្នាំមេដាយមាសសិង្ហបុរី មេដាយប្រាក់ វៀតណាម និងមេដាយសំរឹទ្ធិ វៀតណាម។
វិញ្ញាសាប្រកួតវាយគូអាយុ១៨ឆ្នំា បុរស-នារី មេដាយមាសសិង្ហបុរី មេដាយ ប្រាក់ វៀតណាម និងមេដាយសំរឹទ្ធិ សិង្ហបុរី ។
វិញ្ញាសាប្រកួតឯកត្តជនបុរសអាយុក្រោម១៥ឆ្នាំ មេដាយមាសសិង្ហបុរី មេដាយប្រាក់សិង្ហបុរីនិងមេដាយសំរឹទ្ធិបានទៅ ប្រទេសថៃ ។
វិញ្ញាសាប្រកួតឯកត្តជននារីអាយុក្រោម១៥ឆ្នាំមេដាយមាសសិង្ហបុរី មេដាយប្រាក់ សិង្ហបុរី នឹងមេដាយសំរឹទ្ធិបានទៅថៃ ។
វិញ្ញាសាប្រកួតឯកត្តជនអាយុក្រោម ១៨ឆ្នាំ ផ្នែកនារី មេដាយមាសប្រទេសថៃ មេដាយប្រាក់សិង្ហបុរី និងមេដាយសំរឹទ្ធិ សិង្ហបុរី ។
វិញ្ញាសាប្រកួតឯកត្តជនអាយុក្រោម ១៨ឆ្នំាំផ្នែកបុរសមេដាយមាសបានទៅ ប្រទេសថៃមេដាយប្រាក់បានទៅប្រទេសម៉ាឡេស៊ីនិងមេដាយសំរឹទ្ធិបានទៅ ប្រទេសវៀតណាម ។

ចំពោះវិញ្ញាសាប្រកួតជាក្រុមនារីអាយុក្រោមអាយុ១៥ឆ្នាំមេដាយមាសបានទៅប្រទេសសិង្ហបុរី, មេដាយប្រាក់បានទៅ ប្រទេសវៀតណាមនិងមេដាយសំរឹទ្ធិបានទៅប្រទេសម៉ាឡេស៊ី ។

វិញ្ញាសាប្រកួតជាក្រុមបុរសអាយុក្រោម១៥ឆ្នាំ មេដាយមាសបានទៅសង្ហបុរី, មេដាយប្រាក់បានទៅម៉ាឡេស៊ីនិងមេដាយសំរឹទ្ធិបានទៅថៃ ។

វិញ្ញាសាប្រកួតជាក្រុមនារីអាយុក្រោម១៨ឆ្នាំមេដាយមាសបានសង្ហបុរី មេដាយប្រាក់បានទៅថៃ និង មេដាយសំរឹទ្ធិបានទៅម៉ាឡេស៊ី ។

វិញ្ញាសាប្រកួតជាក្រុមបុរសក្រោម អាយុ១៨ឆ្នាំ មេដាយមាសបានទៅសិង្ហបុរី, មេដាយប្រាក់បានទៅប្រទេសវៀតណាម និងមេដាយសំរឹទ្ធិបានទៅប្រទេស ម៉ាឡេ ស៊ី ៕

ដោយ៖ សារីម