ខេត្តកណ្តាល៖ នៅថ្ងៃទី១៦ ខែកក្កដា ឆ្នាំ២០១៦ ចលនាយុវជនកម្ពុជា (ក្រុម១៥៧) សាខាខេត្តកណ្តាល សហការជាមួយក្រុមគ្រូពេទ្យស្ម័គ្រចិត្ត ក្រុម១៥៧ ក្រោមអធបតីភាពលោក មុឹង ពន្លក ប្រធានសមាគមចលនាយុវជនកម្ពុជា (ក្រុម១៥៧) បានដឹកនាំនិសិត្ស នៃសាកលវិទ្យាល័យ វិទ្យាសាស្រ្តសុខាភិបាលចំនួន ១៨៦នាក់ បានចុះមកជួយធ្វើការព្យាបាល និងអប់រំសុខភាពមាត់ធ្មេញជូនដល់ប្រជាពលរដ្ឋ ចំនួន៧០០នាក់ ដែលរស់នៅក្នុងភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល។

បន្ថែមពីនោះក្រុមការងារក៏បានរៀបចំអាហារថ្ងៃត្រង់មួយពេល ជូនទៅដល់ក្មួយៗកុមារក្រីក្រ និងកុមារកំព្រា ចំនួន១៧០នាក់ ផងដែរ ដែលមកពីសហគមន៍ចំរើនផល៕

ដោយ៖ សហការី