ខេត្តក្រចេះ៖ លោកឧត្តមសេនីយ៍លន់ សុផាត ស្នងការនគរបាលខេត្តនិងជាអនុប្រធានគណកម្មាធិការសមាគមអតីតយុទ្ឋជនកម្ពុជាខេត្តនៅរសៀលថ្ងៃទី២០ ខែកក្កដា ឆ្នាំ២០១៦ នេះ បានដឹកនាំក្រុមការងារនាយ នាយរងនគរបាលវរការពារព្រំដែននិងនគរបាលនៃអធិការដ្ឋាននគរបាលស្រុកស្នួល។

នាំយកថវិការចំនួន៤លានរៀលព្រមទាំងគ្រឿងឧបភោគបរិភោគរួមមាន៖ អង្ក មី ត្រីខ ទឹកត្រីទឹកសីុអីុវ ជាច្រើនសំរាប់ទៀត ទៅប្រគល់ជូនដល់គ្រួសាររបស់លោកណាក់ អាជ អាយុ៥៦ឆ្នាំ ជាមន្រ្តីយោធាបម្រើរការងារនៅក្រសួងការពារជាតិ និងបានទទួលមរណភាពកាលពីខែកុម្ភះកន្លងទៅដោយរោគគាពាធ។

ក្នុងពិធីប្រគល់ថវិការជូនគ្រួសារសពដល់លំនៅឋាននៅក្នុងស្រុកស្នួល លោកឧត្តមសេនីយ៍ស្នងការបានសម្តែងការចូលរួមរំលែកទុក្ខ និងពាំនាំការផ្តាំផ្ញើរសួរសុខទុក្ខពីសំណាក់ឯកឧត្តមអភិបាលខេត្តដល់គ្រួសារសពផងដែរ៕

ដោយ៖ សុខ ខេមរា