ខេត្ដព្រះសីហនុ ៖ កាលពីប៉ុន្មានខែ មុនលោកអភិបាលក្រុងព្រះសីហនុបាន ស្នើមកសម្ដេចក្រឡាហោម ស ខេង ដើម្បីកាន់តំណែងជាអភិបាលខេត្ដ ។ ជា លទ្ធផល សម្ដេចស ខេង បានបញ្ជាក់ថា លោកជិន សារិន អភិបាលក្រុងព្រះសីហនុ មានបញ្ហាច្រើន ដូច្នេះស្នើឱ្យលោក សក់ សេដ្ឋា រដ្ឋលេខាធិការក្រសួងមហាផ្ទៃ សិក្សាឱ្យបានល្អិតល្អន់ ព្រោះមន្ដ្រីនេះ (លោកជិន សារិន) មានការខិលខូច និងប្រតិកម្មមិនល្អច្រើន ។
មិនទាន់បានលទ្ធផលផង ស្រាប់តែ នៅថ្ងៃទី៣០ ខែកក្កដា ឆ្នាំ២០១៥ លោក ជិន សារិន អភិបាលក្រុងព្រះសីហនុត្រូវ បានសម្ដេចក្រឡាហោម ស ខេង ឧបនាយក រដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ សម្រេចដកតំណែងចេញពីអភិបាលក្រុង ព្រះសីហនុ ។ ប្រភពបានឱ្យដឹងថា ពិធី ផ្ទេរតំណែងអភិបាលក្រុងនឹងធ្វើឡើងនៅ ថ្ងៃចន្ទ ទី៣ ខែសីហា ឆ្នាំ២០១៥ ។
ការដកតំណែងលោកជិន សារិន គឺ ដូចអ្វីដែលសម្ដេចក្រឡាហោម ស ខេង ចារលើលិខិតស្នើសុំធ្វើជាអភិបាលខេត្ដ របស់លោកជិន សារិននោះថា “តាម ព័ត៌មានមន្ដ្រីរូបនេះមានការខិលខូចនិង ប្រតិកម្មមិនល្អច្រើន” ។ បើតាមសេចក្ដី រាយការណ៍ពីខេត្ដព្រះសីហនុបានឱ្យដឹងថា លោកជិន សារិន មានបញ្ហាជាច្រើន ពាក់ព័ន្ធនឹងបញ្ហាដីធ្លី តាំងពីជំនាន់លោក ស្បោង សារ៉ាត់ នៅធ្វើជាអភិបាលខេត្ដ មកម្ល៉េះ ។ រឿងរ៉ាវដីធ្លីទាំងនោះ ប្រសិន បើមានការធ្វើអធិការកិច្ច ឬស្រាវជ្រាវ ឱ្យបានល្អិតល្អន់ លោកជិន សារិនមិន មែនត្រឹមតែត្រូវបាត់បង់តំណែងជាអភិ បាលក្រុងប៉ុណ្ណោះទេ ប៉ុន្ដែត្រូវប្រឈម ចំពោះមុខច្បាប់ថែមទៀត ។ មានជនរង គ្រោះជាច្រើន ធ្លាប់បានប្ដឹងផ្ដល់តវ៉ារឿង ដីធ្លីប្រឈមជាមួយអតីតអភិបាលក្រុង រូបនេះ ប៉ុន្ដែការតវ៉ាឬការប្ដឹងផ្ដល់មិន ទទួលបានជោគជ័យនោះឡើយ ។
គួរបញ្ជាក់ថា លោកជិន សារិនបាន ស្នើសុំសម្ដេចក្រឡាហោម ស ខេងឡើង ធ្វើជាអភិបាលខេត្ដព្រះសីហនុ១អាណត្ដិ មុនពេលលោកចូលនិវត្ដន៍ ។ លោក ជិន សារិន បានធ្វើលិខិតមួយច្បាប់តាមរយៈ លោកជាម ហ៊ីម ប្រធានគណបក្សប្រជា ជនកម្ពុជាខេត្ដព្រះសីហនុ ជូនសម្ដេច ឧបនាយករដ្ឋមន្ដ្រី ។ សម្ដេចក្រឡាហោម ស ខេង នៅថ្ងៃទី២ ខែកក្កដា ឆ្នាំ២០១៥ បានចំណារបញ្ជូនបន្ដទៅលោកសក់ សេដ្ឋា រដ្ឋលេខាធិការក្រសួងមហាផ្ទៃ ។ ក្នុង ចំណារផ្ទាល់ដៃនោះ សម្ដេចក្រឡាហោម ស ខេងបានសរសេរក្នុងរង្វង់ក្រចកថា “តាមព័ត៌មានមន្ដ្រីរូបនេះ មានការខិល ខូច និងប្រតិកម្មមិនល្អច្រើន” ។
បញ្ហាជាច្រើននៅខេត្ដមាត់សមុទ្រ មួយនេះ ក៏ត្រូវគេរាយការណ៍ថា បាន រង្គោះរង្គើដល់តំណែងអភិបាលខេត្ដផង ដែរ ។ បញ្ហាដែលមិនអាចដោះស្រាយ បានជាច្រើននៅជំនាន់លោកស្បោង សារ៉ាត់ ត្រូវគេរំពឹងថានឹងអាចដោះស្រាយ បាននៅជំនាន់លោកឈិត សុខុន ។ ប៉ុន្ដែ មួយរយៈពេលកន្លងមកនេះ លោកឈិត សុខុន ហាក់មិនបានធ្វើឱ្យមានភាពប្រសើរ ឡើង ឬមានដំណោះស្រាយចំពោះបញ្ហា អ្វីនោះឡើយ ។
បញ្ហាអសន្ដិសុខ ត្រូវបានកែលម្អតាម រយៈការដោះដូរតំណែងស្នងការនគរបាល ខេត្ដរួចហើយ ។ ប៉ុន្ដែគេសង្កេតឃើញ ថា បញ្ហាអសន្ដិសុខនៅតែកើតមាន ដដែល ។ ករណីអសន្ដិសុខមួយចំនួនបាន ធ្វើឱ្យប៉ះពាល់ដល់ភ្ញៀវទេសចរជាតិនិង អន្ដរជាតិទៀតផង ។
ពាក់ព័ន្ធនឹងបញ្ហាដកតំណែងនេះ គេ មិនអាចទាក់ទងលោកជិន សារិនដើម្បី សុំការបំភ្លឺបានទេ ជុំវិញថាតើលោកមាន កំហុសអ្វី បានជាត្រូវក្រសួងមហាផ្ទៃដក តំណែងក្រោយពីការស្នើសុំឡើងធ្វើជា អភិបាលខេត្ដ១អាណត្ដិមិនបាននោះ ៕ ហេង សូរិយា
