ភ្នំពេញ ៖ ជនសង្ស័យជា៣នាក់ក្នុងចំណោមបក្ខពួក៤នាក់ដែលជាមុខសញ្ញាគាស់បន្ទប់យកទ្រព្យសម្បត្តិយ៉ាងសកម្មនៅក្នុងរាជធានីភ្នំពេញត្រូវបានប្រជាពលរដ្ឋព័ទ្ធចាប់វាយទ្រោមខ្លួននិងដកហូតម៉ូតូមួយគ្រឿងប្រគល់អោយសមត្តកិច្ច។ ហេតុការណ៍នេះបានកើតឡើង កាលពីវេលាម៉ោង៦និង២០នាទីព្រលប់ ថ្ងៃទី៣០ខែកក្កដាឆ្នាំ២០១៥ ក្នុងភូមិត្រពាំងជ្រៃ សង្កាត់កាកាប ខណ្ឌពោធិ៍សែនជ័យ ។
ជនសង្ស័យដែលត្រូវប្រជាពលរដ្ឋព័ទ្ធចាប់ខ្លួនបានប្រគល់ឱ្យប៉ូលិសទាំង៣នាក់នោះ ទី១ឈ្មោះឯក ស៊ីនួន អាយុ១៩ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិណាក់ធំ១ សង្កាត់ស្ទឹងមានជ័យ ខណ្ឌមានជ័យ ស្រុកកំណើតស្រុកមង្គលបុរី ខេត្តបន្ទាយមានជ័យ ។២ឈ្មោះ សូរ ពេជ្រ ហៅ អាណេត អាយុ២១ឆ្នាំ ស្នាក់នៅផ្ទះជួលភូមិណាក់ធំ១ សង្កាត់ស្ទឹងមានជ័យ ខណ្ឌមានជ័យ ស្រុកកំណើតនៅស្រុកត្រាំង ខេត្តតាកែវ ។និងទី៣ឈ្មោះអាន សាវរី ហៅអាហុង ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិណាក់ធំ១ សង្កាត់ស្ទឹងមានជ័យ ខណ្ឌមានជ័យ និងបក្សពួកម្នាក់ទៀតឈ្មោះណេង អាយុ១៥ឆ្នាំ មុខរបរនឹងស្នាក់នៅមិនពិតប្រាកដ រត់គេចខ្លួនរួច ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុគេបានប្រទះឃើញជនសង្ស័យទាំង៤នាក់ជិះម៉ូតូម៉ាក (ហុងដាឌ្រីម) សេរីឆ្នាំ២០១២ពណ៌ខ្មៅ ពាក់ស្លាកលេខ ភ្នំពេញ1B-7495 ជិះឈប់ក្បែរកន្លែងកើតហេតុបន្ទាប់ដោយមានប្រជាពលរដ្ឋម្នាក់ធ្លាប់ឃើញជនសង្ស័យខាងលើក៏បានទៅប្រាប់ម្ចាស់ផ្ទះហើយក៏បាននាំគ្នាព័ទ្ធចាប់បាន៣នាក់និងម៉ូតូមួយគ្រឿងចំណែកម្នាក់ទៀតបានរត់គេចខ្លួនបាត់ស្រមោលតែម្តង។
ប្រភពស្ត្រីម្ចាស់ផ្ទះជួលឈ្មោះសំ សុភ័ក្រ្ត អាយុ៣៤ឆ្នាំ ស្នាក់នៅកន្លែងកើតហេតុឲ្យដឹងថាជនសង្ស័យតែងតែទៅធ្វើសកម្មភាព គាស់ផ្ទះលួចយកម៉ូតូទូរស័ព្ទនិងទ្រព្យសម្បត្តិគេផ្សេងៗ ជាញឹកញាប់ប៉ុន្តែចាប់មិនដែលបាននោះទេ ។ ហើយនៅថ្ងៃកើតហេតុកម្មការិនីដែលជួលផ្ទះរបស់គាត់ស្នាក់នៅមា្នក់លួចខ្សឹបប្រាប់ថា ក្រុមជនសង្ស័យប៉ុនប៉ងបំរុងគាស់ផ្ទះលួចយកទ្រព្យសម្បតិ្តគេទៀត ។ ទើបអ្នកជួលផ្ទះស្នាក់នៅនាំគ្នាព័ទ្ធ ចាប់បាន៣នាក់និងម៉ូតូហុងដាឌ្រីមស៊េរី២០១២ ពណ៌ខ្មៅ អត់ស្លាកលេខ១គ្រឿង ។ ដោយឡែកយុវជនដែលជួលបន្ទប់ សា្នក់នៅកន្លែងកើតហេតុមា្នក់អាយុ១៧ឆ្នាំសូមមិនបញ្ចេញឈ្មោះឲ្យដឹងថា កាលពីថ្ងៃទី២៤ខែកក្កដា២០១៥ គេឃើញជនសង្ស័យទាំង៤នាក់ ធ្វើសកម្មភាពគាស់បន្ទប់ជួលគេតែមិនទាន់លួចអ្វីបានទេ ។
តាមចម្លើយសារភាពរបស់ជនសង្ស័យឲ្យដឹងថា មុនពេលកើតហេតុរូបគេជិះម៉ូតូមកលេងបន្ទប់ជួលរបស់សង្សារ ដើម្បីរកខ្ចីលុយក៏ត្រូវប្រជាពលរដ្ឋព័ទ្ធចាប់ប្រគល់ឱ្យប៉ូលិសប៉ុស្តិ៍នគរបាលកាបសាកសួរដឹងថា ម៉ូតូម៉ាក (ហុងដាឌ្រីម) សេរីឆ្នាំ២០១២ពណ៌ខ្មៅ ពាក់សលាកលេខ ភ្នំពេញ1B-7495មួយគ្រឿងដែលគេជិះនោះ គឺជារបស់ជនរងគ្រោះឈ្មោះថាំង ឈុនលាង ភេទស្រី អាយុ២២ឆ្នាំ មុខរបរនិស្សិតស្នាក់ផ្ទះជួលកន្លែងកើតហេតុខាងលើ ដែលពួកគេមានគា្ន៤នាក់ ធ្វើសកម្មភាពឆ្កឹះសោរបងលួចកាច់សោកយកបាន កាលពីវេលាម៉ោង៣ទៀបភ្លឺ ថ្ងៃទី៣០កក្កដា២០១៥ ខណៈពេលម្ចាស់ម៉ូតូជនរងគ្រោះដេកលក់ ។
ក្រោយពេលកើតហេតុសមត្តកិច្ចបានចុះមកដល់ចំណុចកើតហេតុនិងនាំខ្លួនជនស្ស័យទាំង៣នាក់រួមទាំងម៉ូតូទៅទីស្នាក់ការប៉ុស្តិ៍នគរបាលការកាបដើម្បីសាកសួរបន្ត ៕សុខា សែនជ័យ
