ខេត្តបាត់ដំបង៖ជនសង្ស័យ២នាក់ក្នុងនោះម្នាក់ជាមុខសញ្ញាទើបតែចេញពីពន្ធនាគារ បានធ្វើសកម្មភាពឆក់កាបូបភ្ញៀវទេសចរណ៍អន្តរជាតិ២នាក់ប្តីប្រពន្ធមកកំសាននៅប្រាសាទបុរណ ឯកភ្នំ ត្រូវបាននគរបាលស្រុកឯកភ្នំស្រាវជ្រាវស្វែងចាប់ឃាត់ខ្លួនយកមកផ្តន្ទាទោសតាមផ្លូវច្បាប់។
សមត្ថកិច្ចឃាត់ខ្លួនជនសង្ស័យធ្វើឡើងកាលពីវេលាម៉ោង១០និង៣០នាទីព្រឹក ថ្ងៃទី ៣០ ខែកក្កដា ឆ្នាំ២០១៥ នៅចំណុចភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង។ ជនសង្ស័យទាំង២នាក់ នៅព្រឹកថ្ងៃទី៣១ ខែកក្កដា នគរបាលស្រុកឯកភ្នំចាប់បញ្ជូនទៅកាន់ស្នង ការដ្ឋាននគរបាលខេត្តបាត់ដំបងយកទៅចាត់ការតាមផ្លូវច្បាប់។
ជនសង្ស័យទាំង២នាក់មានឈ្មោះ ១,ខៀវ យ៉ា ភេទប្រុស អាយុ ២៩ឆ្នាំ មុខសញ្ញាប្រើ ប្រាស់គ្រឿងញៀន២,ហឿប ធឿន ភេទប្រុស អាយុ២០ឆ្នាំ ជននេះជាមុខសញ្ញាទើបតែចេញពីពន្ធនាគារជាប់ទោបពីបទលួច ពួកគេទាំង២នាក់រស់នៅភូមិ ដូនទាវ ឃុំពាមឯក ស្រុកឯកភ្នំ ខេត្តបាត់ដំបង។
បើតាមប្រភពព័ត៌មានពីនគរបាលស្រុកឯកភ្នំប្រាប់ឱ្យដឹងថា កាលពីថ្ងៃទី២៩ ខែកក្កដា ឆ្នា២០១៥ មានជនជាតិបារាំង២នាក់ប្តីប្រពន្ធបានជិះកង់ឌុបគ្នាមកពីទស្សនាកំសាន្តនូវ ប្រា សាទបុរាណឯកភ្នំ។លុះកំពុងតែជិះកង់នៅតាមផ្លូវក៏ស្រាប់តែជនសង្ស័យទាំង២នាក់ជិះម៉ូតូ ឌុបគ្នាឆក់កាបូបរបស់ភ្ញៀវទេសចរណ៍ប្តីប្រពន្ធ ហើយរត់គេចខ្លួនបាត់ ក្នុងកាបូបមានទូរស័ព្ទដៃសាំសុង១គ្រឿង និងប្រាក់អាមេរិ៣០ដូល្លា។
បើតាមប្រភពព័ត៌មានដដែលឱ្យដឹងទៀតថា ក្រោយពីកើតហេតុភ្ញៀវទេសចរណ៍២នាក់ ប្តីប្រពន្ធជនជាតិបារាំង ប្តីឈ្មោះ ឡូរ៉ង់ ប្រូទ្រី អាយុ២៩ឆ្នាំ បានមកដាក់ពាក្យបណ្តឹង នៅអធិការដ្ឋាននគរបាលស្រុក។បន្ទាប់មកនគរបាលស្រុកឯកភ្នំ បានចុះធ្វើការស្រាវជ្រាវស៊ើប អង្កេតហើយកំណត់បានមុខសញ្ញាជនសង្ស័យ ទើបនៅថ្ងៃទី៣០ ខែកក្កដា ឆ្នាំ២០១៥ សមត្ថ កិច្ចឈានដល់ការចាប់ឃាត់ខ្លួនជនសង្ស័យទាំង២នាក់។
នៅពេលនោះសមត្ថកិច្ចក៏នាំជនសង្ស័យទៅយកកាបូបដែលគេឆក់យកទៅ ក្រវាត់ចោលនៅក្នុងគុម្ពោធព្រៃមួយកន្លែង ប្រាក់ ៣០ដូល្លាត្រូវពួកគេយកទិញថ្នាំញៀនជក់ចំណែកទូរស័ព្ទគេយកទៅលក់បាត់គឺនៅក្នុងកាបូប នៅសល់តែកាតATM ដកប្រាក់ពីធនាគារ១ប៉ុណ្ណោះ។
ក្រោយពីសមត្ថកិច្ចឃាត់ខ្លួនជនសង្ស័យ ទាំង២នាក់ សមត្ថកិច្ចក៏បានប្រគល់កាបូប និងកាត ATM ទៅឱ្យម្ចាស់ដើមវិញ ផងដែរ៕ដោយ សំ វិច្ឆិកា
