ប្រទេសចិន៖ នៅថ្ងៃទី២៦ ខែកក្កដា ឆ្នាំ២០១៦ សម្តេចមហាពញចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានជួបពិភាក្សាការងារជាមួយលោក លី យៀន ឆាវ អនុប្រធានាធិបតី នៃសាធារណរដ្ឋប្រជាមានិតចិន។

លោកអនុប្រធានាធិបតី បានវាយតំលៃខ្ពស់ចំពោះដំណើរទស្សនកិច្ចសម្តេច មិនត្រឹមតែបានពង្រឹងកិច្ចសហប្រតិបត្តិការ រវាងស្ថាប័ននីតិប្បញ្ញត្តិ នៃប្រទេសទាំងពីរប៉ុណ្ណោះទេ ប៉ុន្តែបានរួមចំណែកបន្តពូនជ្រុំលើកកម្ពស់ទំនាក់ទំនងចំណង មិត្តភាព និងកិច្ចសហប្រតិបត្តិការ រវាងចិន-កម្ពុជា ឈានដល់កំរិតកំពូល។

លោកអនុប្រធានាធិបតី បានសម្តែងនូវការអរគុណចំពោះកម្ពុជា ដែលបានផ្តល់នូវយុត្តិធម៌ ដល់ប្រទេសចិន ពាក់ព័ន្ធបញ្ហាសមុទ្រចិនខាងត្បូង។ ប្រទេសចិន គោរពនូវអធិបតេយ្យ ភាពរបស់កម្ពុជា និងសន្យាជម្រុញឲ្យមានការអភិវឌ្ឍខ្លាំងក្លានៅកម្ពុជា៕

ដោយ៖ សុវណ្ណារ៉ា