ខេត្តស្វាយរៀង៖ សមត្ថកិច្ចឃាត់ខ្លួនជនសង្ស័យម្នាក់ ពេលផឹកស៊ីមានជម្លោះពាក្យសំដីគ្នា យកអេស្កាវ៉ាទ័រកាយបំបាក់ផ្ទះរលំសង្កត់ស្លាប់ម្នាក់របួសធ្ងន់ម្នាក់នៅស្រុកកំពង់រោទ៍។

សមត្ថកិច្ចនគរបាលបានឱ្យដឹងនៅថ្ងៃួី៣១ ខែកក្កដាឆ្នាំ២០២៤ នេះថា ជនសង្ស័យមានឈ្មោះខែក បញ្ញា ភេទប្រុស អាយ២៥ឆ្នាំ មានទីលំនៅភូមិគាស់ក្រឡ ស្រុកគាស់ក្រឡ ខេត្តបាត់ដំបង។

ចំណែក ជនរងគ្រោះដែលស្លាប់បាត់បង់ជីវិត មានឈ្មោះឌឹម សារឿន អាយុ៣៨ឆ្នាំ មានកូន០២នាក់ស្រីម្នាក់ ជាបុគ្គលិកបើកអាប៊ុលកិនថ្នល់ មានទីលំនៅភូមិតានប់ ឃុំត្នោត ស្រុកបាទីខេត្តតាកែវនិង
ជនរងគ្រោះទី២ឈ្មោះតាំង យូ ភេទប្រុសអាយុ៣៤ឆ្នាំមានទីលំនៅភូមិតាជោសង្កាត់ស្វាយតឿក្រុងស្វាយរៀង របួសក្បាលធ្ងន់ធ្ងរត្រូវសមត្ថកិច្ចហៅរថយន្តដឹកបញ្ជូនមកមន្ទីរពេទ្យខេត្តស្វាយរៀងដើម្បីសង្គ្រោះ។

ហេតុករណីនេះបានកើតឡើងនៅវេលាម៉ោង៦និង៥នាទីល្ងាចថ្ងៃទី២៩កក្កដា២០២៤នៅចំណុចផ្ទះ១០០ខ្នង(ដែលរាជរដ្ឋាភិបាលសាងសង់ផ្តល់ជូនអតីតៈយុទ្ធជនសោធន់និវត្តិ )នៅជិតព្រំដែនក្បែប៉ុស្ត៍ច្រករបៀងធ្លកថ្មី ស្ថិតនៅភូមិធ្លកថ្មីឃុំត្នោតស្រុកកំពង់រោទ៌។

បើតាមបុគ្គលិកកម្មករក្រុមហ៊ុនធ្វើថ្នល់ បានប្រាប់ឲ្យដឹងថា មុនពេលកើតហេតុ ជនបង្កនិងជនរងគ្រោះបានផឹកស៊ីជាមួយគ្នា ក្រោយមកក៏មានការឈ្លោះប្រកែកគ្នាយ៉ាងខ្លាំង ក៏ត្រូវមិត្តភគ្រ័ធ្វើការជាមួយគ្នាឃាត់ជនបង្ក ក៏បានដើរចេញទៅ ចំណែកជនរងគ្រោះបានផឹកបន្ត រហូតដល់ស្រវឹងជោក ក៏នាំគ្នាទៅចងអង្រឹងដេកនៅក្រោមផ្ទះ ដែលម្ចាស់គេអត់នៅ (ផ្ទះមន្ត្រីនគបាលចូលសោធន់និវត្តម្នាក់) ក្រោយពីដេកលង់លក់មួយសន្ទុះក្រោយមកស្រាប់តែជនបង្កបើកអេស្កាវទ័រ១គ្រឿងមកកាយរុញបំបាក់បណ្តាលឲ្យបាក់ផ្ទះខ្ទេចទាំងស្រុងសង្កត់ពីលើជនរងគ្រោះទាំង០២នាក់ដែលកំពុងដេកលង់លក់ក្រោមផ្ទះ ជាប់ពីលើ បង្កឲ្យមានការភ្ញាក់ផ្អើលយ៉ាងខ្លាំងដល់កម្មករនិងប្រជាពលរដ្ឋនាំគ្នាមកមើលហើយគាស់យកជនរងគ្រោះ តែយឺតពេល ជនរងគ្រោះម្នាក់បានស្លាប់ហើយម្នាក់ទៀតរងរបួសធ្ងន់។

ភ្លាមៗនោះដែរប្រជាពលរដ្ឋបានប្តឹងសមត្ថកិច្ចនគបាលវរៈការពារព្រំដែនប៉ុស្ត៍ច្រករបៀងធ្លកថ្មីមកចាប់ខ្លួនជនសង្ស័យបានភ្លាមៗដែរ រួចបញ្ជូនឲ្យលោកអធិការនៃអធិការដ្ឋាននគបាលស្រុកកំពង់រោទ៌បញ្ជូនបន្តទៅស្នងការដ្ឋាននគបាលខេត្តស្វាយរៀងទាំងយប់។

ចំណែកសពជនរងគ្រោះត្រូវបានសមត្ថកិច្ចប្រគល់ឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕