ភ្នំពេញ៖ បន្ទាប់ពីកម្លាំងជំនាញមន្ទីរប្រឆាំងគ្រឿងញៀនក្រសួងមហាផ្ទៃចុះប្រតិបត្តិការបង្ក្រាបគ្រឿងញៀនបានមួយគីឡូក្រាមនៅភូមិត្រពាំងឈូក សង្កាត់ទឹកថ្លា ខណ្ឌសែនសុខ កាលពីវេលាម៉ោង១៨និង០០នាទីថ្ងៃទី១ ខែសីហា ឆ្នាំ២០១៦ ឃាត់ខ្លួនជនជាតិថៃម្នាក់យកទៅសាកសួររួចមក កម្លាំងជំនាញបានបន្តចុះឆែកឆេលំនៅដ្ឋានមួយទៀតរបស់ជនសង្ស័យនៅបុរីពិភពថ្មី។

ប្រតិបត្តិការឆែកឆេនេះបានធ្វើឡើងកាលពីវេលាម៉ោង១៧រសៀលថ្ងៃទី២ ខែសីហា ឆ្នាំ២០១៦ នៅចំណុចបុរីពិភពថ្មី ផ្ទះលេខ០៣ ផ្លូវលេខ០៦ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ចាប់យកជាក់ស្តែងនូវវត្ថុតាងគ្រឿងញៀនចំនួនបីប្រភេទយ៉ាងច្រើនសន្ធឹកសន្ធាប់ចំនួន២០កញ្ចប់ធំ រថយន្តពីរគ្រឿង យកទៅរក្សាទុកនៅមន្ទីរប្រឆាំងគ្រឿងញៀនក្រសួងមហាផ្ទៃ៕

ដោយ៖ តុងសីហា