កីឡាករ Xavi អតីតតារាបាល់ទាត់ក្លិប Barcelona បានបរិច្ចាគទូកផ្ទាល់ខ្លួនដើម្បីជួយជនភៀសខ្លួនឆ្លងកាត់សមុទ្រមេឌីទែរ៉ាណេ ។

បច្ចុប្បន្នកីឡាករ Xavi កំពុងតែលេងឲ្យ ក្រុមបាល់ទាត់ AlSadd នៅក្នុងប្រទេស កាតារ។ គាត់មិនត្រឹមតែជាតារាបាល់ទាត់នៅលើទីលានឡើយថែមទាំងជាតារានៅក្នុងសង្គមទៀត។ គាត់បានផ្តល់ទូកកម្សាន្តផ្ទាល់ខ្លួនរបស់គាត់ឲ្យទៅអង្គការមនុស្ស ធម៌ក្រៅរដ្ឋាភិបាលមួយឈ្មោះProactiva Open Arms ដើម្បីដាក់ដេញថ្លៃយកថវិកាទៅបន្តកិច្ចការងារជួយសង្រ្គោះជនភៀស ខ្លួនរបស់ពួកគេ។

អង្គការ Proactiva Open Arms មាន មូលដ្ឋាននៅក្នុងទីក្រុង Barcelona ប្រទេស អេស្ប៉ាញធ្វើការតាមឆ្នេរសមុទ្រប្រទេសក្រិកដើម្បីស្វែងរកជួយសង្រ្គោះជនភៀស ខ្លួនដែលធ្វើដំណើរឆ្លងកាត់ សមុទ្រមេឌីទែរ៉ាណេ ៕

ដោយ៖ ដេវីត