ខេត្តរតនគិរី៖ អគ្គិភ័យបានឆាបឆេះឃ្លាំងដាក់កៅស៊ូក្រែប១ខ្នងខ្ទេចទាំងស្រុងប៉ុន្តែមិនបង្កឲ្យមានមនុស្សរងគ្រោះថ្នាក់នោះទេ។ ហេតុការណ៍នេះបានកើតឡើងកាលពីវេលាម៉ោង១នឹង៤៥នាទីរសៀលថ្ងៃទី៤ខែសីហាឆ្នាំ២០១៦ ស្ថិតនៅភូមិសាយ៉ស់ ឃុំកាឡែងស្រុកលំផាត់ ខេត្តរតនគិរី។

សមត្ថកិច្ចនគរបាលស្រុកលំផាត់បានឲ្យដឹងថា ភ្លើងបានឆាបឆេះចេញពីឡចំហ៊ុយជ័រកៅស៊ូក្រែបធ្វើអំពីដែកមានទទឹង១០ម៉ែត្របណ្តោយ២០ម៉ែត្រប្រក់ស័ង្កសីជញ្ជាំងរាបឥដ្ឋ សម្ភារះខូចខាតរួមមាន ផ្ទះ១ខ្នង ជ័រកៅស៊ូក្រែប៤៥០០គីឡូក្រាម ស្នួលហាលកៅស៊ូក្រែប១០។

សមត្ថកិច្ចបានបន្តឲ្យដឹងទៀតថា ម្ចាស់ផ្ទះមានឈ្មោះ មូល តុល ភេទប្រុស អាយុ៥០ឆ្នាំ ជនជាតិខ្មែរ មានមុខរបរធ្វើចំការរស់នៅភូមិកើតហេតុខាងលើ៕

ដោយៈវុទ្ធឦសាន