ភំ្នពេញ៖ រឿងរ៉ាវដែលដោះស្រាយមិន ចេញ ហើយកំពុងតែបង្កផលលំបាកដល់ អាជ្ញាធរខណ្ឌពាក់ព័ន្ធនឹងប្រជាពលរដ្ឋនៅសង្កាត់វាលស្បូវប្តឹងលោកស្រី ស៊ុយ សុផាន ប្រធានក្រុមហ៊ុនផានអីុម៉ិចរឿងទំនាស់ដីធ្លី ត្រូវបានលោកអភិបាលខណ្ឌច្បារអំពៅលាតត្រដាង និងណែនាំឲ្យមន្រ្តីទទួលបន្ទុករួម គ្នាដោះស្រាយជូនប្រជាពលរដ្ឋ ។
ករណីបណ្តឹងរបស់ប្រជាពលរដ្ឋជាមួយ ក្រុមហ៊ុនផានអីុម៉ិចនេះបានលើកឡើងនៅ ក្នុងកិច្ចប្រជុំប្រចាំខែរបស់គណៈបញ្ជាការ ឯកភាពខណ្ឌថៃ្ងទី៥ ខែសីហា ឆ្នាំ២០១៦ ក្រោមវត្តមានលោក អ៊ាង សីុផាន អភិបាល ខណ្ឌច្បារអំពៅ ។ ក្រៅពីការលាតត្រដាង ករណីបណ្តឹងរបស់ប្រជាពលរដ្ឋជាមួយនឹង លោកស្រី ស៊ុយ សុផាន ជាង១០០ករណី នេះ លោកអភិបាលខណ្ឌក៏បានលើកឡើង ពីចំណុចអវិជ្ជមានមួយចំនួនទៀតរួមមាន ការលក់ដូរនៅលើចិញ្ចើមផ្លូវនៅក្នុងផ្សារច្បារអំពៅការឈប់ចតរថយន្តតាក់សីុធ្វើឲ្យបាត់បង់សណ្តាប់ធ្នាប់ ភាពរញ៉េរញ៉ៃកើតឡើងដោយសារក្រុមអ្នករត់ចាប់ម៉ូយដាក់រថយន្ត និងល្បែងសីុសងគ្រប់ប្រភេទដែលកើតឡើងក្នុងភូមិច្បារអំពៅ២ ច្បារអំពៅ១ និងសង្កាត់ព្រែកថ្មី ។
ថែ្លងនៅក្នុងអង្គពិធីលោក អ៊ាង សីុផាន អភិបាលខណ្ឌបានលើកឡើងថា គ្រាន់តែ នៅសង្កាត់វាលស្បូវមានប្រជាពលរដ្ឋជា ច្រើននាក់បានប្តឹងលោកស្រី ស៊ុយ សុផាន ប្រធានក្រុមហ៊ុនផានអីុម៉ិចពាក់ព័ន្ធរឿងដីធី្លជាង១០០ករណីដែលមកដល់ពេលនេះមិនទាន់រកដំណោះស្រាយបញ្ចប់បណ្តឹងនៅឡើយទេ។ ដូច្នេះសូមឲ្យអភិបាលរងដែលទទួលបន្ទុកការងារដោះស្រាយទំនាស់ដីធ្លីរួមជាមួយមន្រ្តីត្រូវបន្តការដោះស្រាយជូនប្រជាពលរដ្ឋតាមដែលអាចធ្វើទៅបាន។ ជាមួយគ្នានេះដែរលោកអភិបាលខណ្ឌក៏ បានណែនាំឲ្យលោកចៅសង្កាត់ទាំង៨ និងសមត្ថកិច្ចពាក់ព័ន្ធត្រូវសហការគ្នាចុះរៀបចំសណ្តាប់ធ្នាប់ជាប្រចាំ ជាពិសេសបញ្ហាយកផ្លូវសាធារណៈធ្វើជាកន្លែងលក់ដូរដូចជានៅផ្សារព្រែកឯង ផ្សារច្បារអំពៅ និងផ្សារ ព្រែកប្រាដែលនៅតាមបណ្តោយផ្លូវលេខ៣៦៩ជាដើម។
ចំពោះបញ្ហាសណ្តាប់ធ្នាប់សាធារណៈ ជាពិសេសរថយន្តតាក់សីុដែលឈប់ចតក្រៅចំណតដែលយកចិញ្ចើមផ្លូវធ្វើជាកន្លែងរង់ចាំដឹកម៉ូយក៏ត្រូវចាត់វិធានការឲ្យតឹងរ៉ឹងផងដែរ ។ ដោយឡែកល្បែងសីុ សងគ្រប់ប្រភេទដែលកើតមាននៅក្នុង សង្កាត់មួយចំនួនសូមឲ្យគណៈបញ្ជាការ សង្កាត់ត្រូវចុះបង្រ្កាប និងហៅម្ចាស់ទីតាំង មកអប់រំ និងធ្វើកិច្ចសន្យាឲ្យបញ្ឈប់សកម្ម ភាព។ និយាយរួមគណៈបញ្ជាការឯកភាព ខណ្ឌ-សង្កាត់ត្រូវរួមគ្នាដោះស្រាយបញ្ហា ជូនប្រជាពលរដ្ឋ និងអនុវត្តគោលនយោ បាយភូមិ-សង្កាត់មានសុវត្ថិភាពឲ្យមានប្រសិទ្ធភាព ៕
ដោយ៖ សណ្តោស
