ភ្នំពេញ៖ កាលពីវេលាម៉ោង៥និង០០នាទីរសៀលថ្ងៃទី០៦ ខែសីហា ឆ្នាំ២០១៦ នៅចំនុចផ្ទះលេខ១៩អា និងផ្ទះលេខ២៥ ផ្លូវរថភ្លេីង សង្កាត់បឹងកក់២ (រោងចក្រឆ្នាំង)កម្លាំងកងរាជអាវុធហត្ថខណ្ឌដូនពេញ សហការជាមួយ គណៈបញ្ជាការឯកភាពខណ្ឌ និងកម្លាំង ការិយាល័យប្រឆាំងបទល្មេីសគ្រឿងញៀនអាវុធហត្ថរាជធានី ភ្នំពេញបានបង្រ្កាបនិងឃាត់ខ្លួនជនសង្ស័យពាក់ព័ន្ធករណីគ្រឿងញៀន ចំនួន៥នាក់ មានស្រី២នាក់។
សមត្ថកិច្ចបានអោយដឹងថាៈ ជនសង្ស័យមានឈ្មោះ១.ឈ្មោះ គួង គន្ធា ភេទស្រី អាយុ៥៨ឆ្នាំ មុខរបរមិនពិតប្រាកដ ២.ឈ្មោះ រី ច្រូច អារុន ភេទស្រី អាយុ១៧ឆ្នាំ មុខរបរមិនពិតប្រាកដ ៣.ឈ្មោះ ថុល ថារា ភេទប្រុស អាយុ២៧ឆ្នាំ មុខរបរមិនពិតប្រាកដ ជាម្ចាស់ផ្ទះ ៤.ឈ្មោះ ឡាយ រតនៈ ភេទប្រុស អាយុ៣០ឆ្នាំ មុខរបរមិនពិតប្រាកដ និងទី៥.ឈ្មោះ ឃឹម យាំុង ភេទប្រុស អាយុ ១៧ឆ្នាំ មុខរបរមិនពិតប្រាក។
សមត្ថកិច្ចបន្តថាៈ វត្ថុតាងចាប់យករួមមានៈ – ក្រាមសថ្លា ចំនួន ២៣១កញ្ចប់តូច(ធំ១)-ម្សៅម៉ត់ពណ៏ស ០១កញ្ចប់តូច-ជញ្ជីងសំរាប់ថ្លឹង ចំនួន០៤គ្រឿង -ម៉ូតូ ចំនួន៥គ្រឿង -សំភារះសំរាប់វេចខ្ចប់ និងសេពគ្រឿងញៀនមួយចំនួន។
បច្ចប្បន្នជនសង្ស័យនិងវត្ថុតាង បានបញ្ជូនទៅការិយាល័យប្រឆាំងបទល្មេីសគ្រឿងញៀនអាវុធហត្ថរាជធានីភ្នំពេញដេីម្បីចាត់ការបន្តតាមនីតិវិធី៕
ដោយ៖ សុខ ខេមរា
