ភ្នំពេញ៖ បុរសម្នាក់ប្រញាប់ទៅបុណ្យសពលោកយាយបើករថយន្ដព្រុសទៅបុកបង្គោលថ្មស្លាកសញ្ញាផ្លូវបណ្ដាលឲ្យដួលរលំកល់ជាប់ពីក្រោមរថយន្ដរងការខូចខាត ។ ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩ និង០០នាទីព្រឹក នៅថ្ងៃទី១៧ ខែតុលា ឆ្នាំ២០២៤ ត្រង់ចំនុចស្ដុបកា្ដន់២ សង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពព័ត៌មានពីសមត្ថកិច្ចប្រចាំការគោលដៅប្រការស្ដុបក្ដាន់២ បានប្រាប់ថា មុនពេលកើតហេតុគេឃើញរថយន្ដតូយ៉ូតាព្រុស ពណ៌ស មួយគ្រឿងពាក់ផ្លាកលេខភ្នំពេញ 2BR. 7828 តាមធ្វើដំណើរតាមបណ្ដោយផ្លូវសហព័ន្ធរុស្សី ទិសដៅពីលិចមកកើតក្នុងលឿនលឿន ខណះពេលដល់ចំនុចស្ដុបក្ដាន់២ ក៏បានបួងចង្កូតរថយន្ដឡើងទៅផ្លូវបឹងកក់ តែមិនប្រយ័ត្នក៏រេចង្កូចទៅបុកនិងបង្គោលថ្មស្លាកលេខសញ្ញាផ្លូវបណ្ដាលឲ្យដួលរំលកល់ជាប់ពីក្រោមរថយន្ដរងការខូចខាត។ ដោយឡែកក្នុងហេតុការណ៍គ្រោះថ្នាក់ចរាចរណ៍នេះមិនបង្កដ៏អ្នកណាម្នាក់រងរបួសនោះទេ ។
ក្រោយពេលកើតហេតុ សមត្ថកិច្ចមូលដ្ឋានរួមទាំងសន្តិសុខមូលដ្ឋានបឹងកក់បានចុះដល់ទីតាំងចំនុចកើតហេតុ បានទាក់ទងទៅកាន់សមត្ថកិច្ចជំនាញចរាចរណ៍ដើម្បីចុះមកធ្វើការវាស់វែង យករថយន្តស្ទួចអូសរថយន្ដបង្កចេញពីកន្លែងកើតហេតុ យកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញដើម្បីដោះស្រាយតាមផ្លូវច្បាប់ នៅពេលក្រោយ៕
ដោយ ៖ ភារ៉ា ដង្កោ
