ភ្នំពេញ៖ យុវជនម្នាក់បានរងរបួសធ្ងន់និងម្នាក់ទៀតរងរបួសស្រាលត្រូវបានរថយន្តសង្រ្គោះបន្ទាន់របស់ កងពលតូចលេខ៧០ដឹកយកទៅសង្គ្រោះបន្ទាន់ភ្លាមៗ បន្ទាប់ពីជិះម៉ូតូលឿនបុកខឿនពុះចែកទ្រូងផ្លូវកាលពីវេលាម៉ោង ២រំលងអាធ្រាត្រឈានចូលថ្ងៃទី៣១ខែតុលាឆ្នាំ២០២៤នៅ តាមបណ្ដោយផ្លូវជាតិលេខ៣ ភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកេីតហេតុគេឃើញ យុវជន២នាក់ជិះម៉ូតូមួយគ្រឿងម៉ាកឌ្រីមសង់ ស៊េរីឆ្នាំ២០២៤ ពណ៌ខ្មៅ ពាក់ស្លាកលេខ ភ្នំពេញ1KP-3874 ធ្វេីដំណេីរតាមបណ្ដោយផ្លូវជាតិលេខ៣ក្នុងទិសដៅពីជេីងទៅត្បូងក្នុងល្បឿនយ៉ាងលឿន លុះមកដល់ចំណុចកេីតហេតុ អ្នកឌុបបានឱនលេីកទូរសព្ទ ក៏ស្រាប់តែរ៉េចង្កូតទៅ ហេីយឡេីងទ្រូងផ្លូវបណ្តាលឱ្យដួលម៉ូតូបោក រងរបួសក្បាលធ្ងន់ នឹងម្នាក់ទៀតរងរបួសស្រាល ។
ក្រោយពេលកេីតហេតុ ជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលលេខ៧០ ដឹកយកទៅសង្គ្រោះនៅមន្ទីរពេទ្យកម្ពុជាចិនព្រះកុសមៈ ចំណែកជនរងគ្រោះរងរបួសស្រាលបាន ជិះម៉ូតូតាមរថយន្តទៅមេីលជនរងគ្រោះរងរបួសធ្ងន់ ៕
ដោយ ៖សុខាសែនជ័យ
