ភ្នំពេញ ៖ ជនសង្ស័យ២នាក់រួមជាមួយថ្នាំញៀន១កញ្ចប់តូចត្រូវបានកម្លាំងនគរបាលព្រហ្មទណ្ឌខណ្ឌ៧មករាឃាត់ខ្លួន បន្ទាប់ពីជនសង្ស័យ២នាក់យកថ្នាំញៀនដាក់ចូលក្នុងប្រអប់ខ្មៅយកទៅផ្ញើរតាមរថយន្តក្រុងរបស់ក្រុមហ៊ុន ថោង សីុង ត្រូវគេដឹងរាយការណ៍ទៅនគរបាលព្រហ្មទណ្ឌខណ្ឌ៧មករាឃាត់ខ្លួន។

ហេតុការណ៍នេះកើតឡើងកាលពីវេលាម៉ោង៥និង២០នាទីល្ងាចថ្ងៃទី១៣ ខែសីហាឆ្នាំ២០១៦ នៅចំណុចមុខរថយន្តក្រុងរបស់ក្រុមហ៊ុន ថោង សីុង នៅតាមបណ្ដោយផ្លូវ១៣៤កែងផ្លូវលេខ១៣៩ ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។
ជនសង្ស័យ១មានឈ្មោះ សុខ សាវុធ ភេទប្រសអាយុ១៨ឆ្នាំស្នាក់នៅម្ដុំចំការដូង ។ ជនសង្ស័យ២មានឈ្មោះមៅ៉ ចាន់ថន ភេទប្រុសអាយុ២៣ឆ្នាំស្នាក់នៅម្ដុំចំការដូង។
បើតាមសម្ដីពីសមត្ថកិច្ចបានប្រាប់ឲ្យដឹងថា មុនពេលកើតហេតុជនសង្ស័យ២នាក់ខាងលើបានយកថ្នាំញៀនដាក់ចូលក្នុងប្រអប់ខ្មៅយកទៅផ្ញើរតាមរថយន្តក្រុងរបស់ក្រុមហ៊ុន ថោង សីុង ដើម្បីផ្ញើរទៅខេត្តសៀមរាបតែក៏ត្រូវគេដឹងរាយការណ៍ទៅនគរបាលព្រហ្មទណ្ឌខណ្ឌ៧មករាភ្លាមៗនោះសមត្ថកិច្ចបានប្រាប់ឲ្យរថយន្តក្រុងរបស់ក្រុមហ៊ុន ថោង សីុង ឲ្យខលទៅជនសង្ស័យទាំង២នាក់វិញថារថយន្តអត់បានចេញដំណើរទៅទេចឹងហើយឲ្យមកយករបស់ផ្ញើរវិញមកលុះមកដល់មោ៉ងខាងលើប្រទះឃើញជនសង្ស័យម្នាក់ជិះមូ៉តូ១គ្រឿងមា៉កNEX ពណ៌ស ពាក់ស្លាកលេខភ្នំពេញ:1FO.6821ពេលមកដល់ភ្លាមក៏ត្រូវកម្លាំងសមត្ថកិច្ចក៏បានធ្វើការឃាត់ខ្លួន ។ បច្ចប្បន្នជនសង្ស័យទាំង២នាក់រួមវត្ថុតាងនិងមូ៉តូត្រូវបាននគរបាលនាំទៅអធិការខណ្ឌ៧មករាដើម្បីកសាងសំណុំរឿង ដើម្បីចាក់ការតាមផ្លូវច្បាប់៕

ដោយ ស រស្មី