ភ្នំពេញ៖ នៅលើហ្វេសប៊ុកសម្តេចតេជោ នាយករដ្ឋមន្ត្រី ហ៊ុន សែនបានបង្ហោះពីសកម្មភាពការអញ្ជើញធ្វើដំណើរដោយផ្ទាល់របស់សម្តេច ៗព្រមទាំងមានប្រសាសន៍ថាៈ ជនរួមជាតិជាទីនឹករឮក និងស្រឡាញ់។

នៅព្រឹកថ្ងៃទី ១៦ ខែ សីហា នេះ ខ្ញុំកំពុងធ្វើដំណើរពីភ្នំពេញឆ្ពោះទៅកាន់ខេត្តតាកែវ ដើម្បីពិនិត្យសមិទ្ឋផលជាតិ និង ចុះសួរសុខទុក្ខមន្រ្តីរាជការ និងកងកម្លាំងប្រដាប់អាវុធនៅខេត្តតាកែវផងដែរ។ ទន្ទឹមនឹងនេះ ខ្ញុំនឹងពិនិត្យលើបញ្ហាប្រឈមមួយចំនួន ដើម្បីរកដំណោះស្រាយសមស្របនានាជូនប្រជាពាពលរដ្ឋយើង។

សម្តេចមានប្រសាសន៍បន្តថាៈ ខ្ញុំក៏សូមអភ័យទោស ប្រសិនបើខ្ញុំមិនបានចុះសួរសុខទក្ខបងប្អូន និងក្មួយៗ ចៅៗ គ្រប់ទីកន្លែង អាស្រ័យដោយពេលវេលាតិច និងធ្វើដំណើរផ្លូវឆ្ងាយផង។ សូមជូនពរជនរួមជាតិជួបតែសំណាងល្អ ៕

ដោយ៖ សុខ ខេមរា