ភ្នំពេញៈ រថយន្តសេរីទំនើបMerserdes បេីកដោយបុរសជនជាតិចិនខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុកនិងរថយន្តtoyota prus ដែលបេីកដោយបុរសជនជាតិខ្មែរបណ្តាលឲ្យរងការខូចខាតទាំងសង្ខាង ។
ហេតុការណ៍នេះបានកេីតឡេីងនៅ១១និង៣០នាទីយប់ថ្ងៃទី២៨ខែកុម្ភៈ ឆ្នាំ២០២៥ ចំនុចផ្លូវ៤៣០កែងផ្លូវ១៨៣សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសជាជនជាតិខ្មែរម្នាក់បានបេីករថយន្តម៉ាក toyota prus ពណ៌ខៀវ ពាក់ស្លាកលេខភ្នំពេញ 2BN 1679 បេីកធ្វើដំណើរតាមបណ្តោយផ្លូវ៤៣០ទិសដៅពីត្បូងទៅជេីងលុះមកដល់កេីតហេតុដែលជាផ្លូវបំបែកជាបួន ក៍ស្រាប់តែបុរសជាជនជាតិចិនម្នាក់ទៀតបានបេីករថយន្តម៉ាក Merserdes MAYBACH S560 ពណ៌ទឹកប្រាក់លាយខ្មៅ ពាក់ស្លាកលេខ ភ្នំពេញ 2BM8658 បានបេីកបោះពួយតាមបណ្ដោយផ្លូវ១៨៣ទិសដៅពី លិចទៅកេីតល្បឿនលឿនហេីយខ្វះការប្រុងប្រយ័ត្នក៍ជ្រុលទៅបុុកនិងរថយន្ត toyota prusចំថ្ពាល់មុខចំហៀងខាងឆ្វេងបណ្តាលឲ្យបាក់វៀចកង់ និងកំពិតថ្ពាល់មុខចំហៀងខាងឆ្វេង ។
ដោយឡែកខាងរថយន្ត Merserdes វិញរងការខូចខាតផែ្នកខាងមុខនិងបាក់កង់ខាងស្ដាំ តែសំណាងល្អក្នុងហេតុការណ៍នេះមិនបង្ករអោយគ្រោះថ្នាក់ដល់មនុស្ស ។
ក្រោយកេីតហេតុ ភាគីទាំងសងខាងបានសម្របសម្រួលគ្នាដោយខាងរថយន្ត Merserdes សងសំនងទៅខាងរថយន្ត toyota prus ចំនួន៦០០ដុល្លារបញ្ចប់រឿងនៅកន្លែងកេីតហេតុ ៕
ដោយ៖សុខាសែនជ័យ
