ភ្នំពេញ ៈ មនុស្សប្រុសស្រី៤នាក់បានចូលផឹកស៊ីនៅក្នុងហាងដែលមានយីហោអូឌឹមចាស់I ខណះកំពុងផឹកស្រាប់តែមានបុរសម្នាក់ទៀតដែលអង្គុយផឹកតុ ផ្សេងបានមកជល់កែវជាមួយថែមទាំងចាប់ដៃចាប់ជើងធ្វើអោយបុរសម្នាក់ដែលអង្គុយជាមួយនារី ខឹងទាញកែវវាយទៅវិញទៅមកបណ្តាលអោយនារីម្នាក់រងរបួស។
ហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ ថ្ងៃទី២០ ខែសីហា ឆ្នាំ២០១៦ នៅចំណុចហាងផឹកស៊ីមួយកន្លែងដែលមានយីហោ អូឌឹមចាស់I តាមបណ្តោយផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញមនុស្សប្រុសស្រីចំនួន៤នាក់(ស្រី២នាក់) បានចូលមកផឹកស៊ីនៅខាងក្នុងហាងខាងលើខណះកំពុងអង្គុយតុមួយសន្ទុះក្រោយមកស្រាប់តែមានបុរសមួយក្រុមមានគ្នា៦នាក់បានចូលមកផឹកស៊ីក្នុងនោះដែរដោយអង្គុយតុងជិតគ្នា ។
សាក្សីដដែលបានបន្តថា បន្ទាប់មកស្រាប់តែភាគីខាងបុរសដែលមានគ្នា៦នាក់ក្នុងនោះមានបុរសម្នាក់បានលើកកែវមកជុលជាមួយនារីដែលអង្គុយមានគ្នា៤នាក់មិនត្រឹមតែប៉ុណ្ណោះបានចាប់ដៃចាប់ជើងដោយដូចជាស្គាល់គ្នាតែនារីនោះបានប្រកែកថាមិនដែលស្គាល់ទេ ធ្វើអោយបុរសដែលអង្គុយជានោះមានចិត្តប្រច័ណ្ឌហើយបានប្រាប់ទៅបុរស២នាក់ដែលមកជុលកែវជាមួយនោះអោយទៅអង្គុយតុវិញ។ក្រោយមកបុរសទាំង២នាក់នោះក៏បានទៅអង្គុយនៅតុវិញ ហើយបានប្រើពាក្យឌឺដងធ្វើអោយភាគីខាងបុរសស្រី៤នាក់នោះខឹងក៏តបតបង្កជាហឹង្សាដាក់គ្នាបោកដបនិងកែវបណ្តាលឲ្យនារីម្នាក់រងរបួសត្រូវដៃម្ខាង។
សាក្សីដដែលបានបន្តទៀតថា ខណះភាគីទាំងសងខាងកំពុងប្រយុទ្ធគ្នានៅគេបានលឺសំលេងដូចជាផ្ទុះអាវុធមួយគ្រាប់ធ្វើអោយភាគីទាំងសងខាងបែកចេញពីគ្នា។ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុនិងធ្វើការឃាត់បុរស២នាក់(ភាគីខាងមានគ្នា៦នាក់)យកទៅទីស្នាក់ការនគរបាលប៉ុស្តិ៍ចោមចៅធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបានខណ្ឌពោធិ៍សែនជ័យរងចាំដោះស្រាយតាមច្បាប់៕

ដោយៈសុខាសែនជ័យ