ភ្នំពេញ៖ យុវជន និងយុវតីគ្រប់រូបគួរជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ២៤នាក់ (ស្រី ៣នាក់) ត្រូវបានកម្លាំងសមត្ថកិច្ចជំនាញនៅទូទាំងប្រទេសកម្ពុជា បានចុះស្រាវជ្រាវក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៤ករណី នៅថ្ងៃទី០៤ ខែឧសភា ឆ្នាំ២០២៥ ។
ក្នុងចំណោមជនសង្ស័យចំនួន ២៤នាក់ រួមមាន៖ ជួញដូរ ៤ករណី ឃាត់ ៨នាក់(ស្រី ១នាក់), ដឹកជញ្ជូន រក្សាទុក ៨ករណី ឃាត់ ១៨នាក់(ស្រី ២នាក់) និងប្រើប្រាស់ ២ករណី ឃាត់ ២នាក់(ស្រី ០នាក់)។
ចំណែកវត្ថុតាងដែលចាប់យកសរុបក្នុងថ្ងៃទី០៤ ខែឧសភា រួមមាន៖ មេតំហ្វេតាមីន ម៉ាទឹកកក(Ice) ស្មេីនិង ៦២,៦១ក្រាម។ កេតាមីន(Ke)ស្មេីនិង ៦៩៨,៨២ក្រាម។
ក្នុងប្រតិបត្តិការនោះជាលទ្ធផលខាងលើ ៥អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៥អង្គភាព
*១ / មន្ទីរ៖ រក្សាទុក ១ករណី ឃាត់ ៣នាក់ ចាប់យកKe ០,៤២ក្រាម។
*២ / កំពត៖ រក្សាទុក ១ករណី ឃាត់ ២នាក់ ចាប់យកIce ០,៧២ក្រាម។
*៣ / កណ្តាល៖ រក្សាទុក ២ករណី ឃាត់ ៤នាក់ ចាប់យកIce ៧,៧៨ក្រាម។
*៤ / ក្រចេះ៖ ជួញដូរ ១ករណី ឃាត់ ៣នាក់ រក្សាទុក ២ករណី ឃាត់ ៣នាក់ ស្រី ១នាក់ ប្រើប្រាស់ ១ករណី ឃាត់ ១នាក់ ចាប់យកIce ២៣,៤៦ក្រាម។
*៥ / រតនគិរី៖ ជួញដូរ ១ករណី ឃាត់ ៣នាក់ ចាប់យកIce ២០,០២ក្រាម៕ដោយ៖តារា
