ភ្នំពេញ ៖ អនុស្សារណៈយោគយល់គ្នា រវាងអាជា្ញជាតិដោះស្រាយវិវាទក្រៅប្រព័ន្ធតុលាការ និងរដ្ឋបាលរាជធានីភ្នំពេញ ស្តីពីកិច្ចសហប្រតិបត្តិការក្នុងការសម្រុះសម្រួលផ្សះផ្សាវិវាទ ត្រូវបានធ្វើពិធីចុះហត្ថលេខាជាផ្លូវការនាព្រឹកថ្ងៃទី១៣ ខែឧសភា ឆ្នាំ២០២៥ នៅសាលារាជធានីភ្នំពេញ។

លោក ឯម ច័ន្ទមករា រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានបញ្ជាក់ថា ៖ តាមរយៈអនុស្សារណៈយោគយល់គ្នានេះ នឹងចូលរួមចំណែកដោះស្រាយបញ្ចប់វិវាទនៅមូលដ្ឋានបានឆាប់រហ័ស ប្រកបដោយប្រសិទ្ធភាព ធ្វើឱ្យបងប្អូនប្រជាពលរដ្ឋចំណេញពេលវេលាក្នុងការតតាំងវិវាទនៅសាលាជម្រះក្តីគ្រប់ជាន់ថ្នាក់ និងធានាបាននូវសុខដុមនីយកម្មក្នុងសហគមន៍ផងដែរ៕

ដោយ ៖ សិលា