ឃាត់ខ្លួនជនពាក់ព័ន្ធចំនួន ៤០នាក់ នៃលទ្ធផលបង្ក្រាបបទល្មើសគ្រឿងញៀនចំនួន ១៣ករណីទូទាំងប្រទេសថ្ងៃទី១៦ ឧសភានេះ!

ចែករំលែក៖

ភ្នំពេញ៖ គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ៤០នាក់ (ស្រី ៣នាក់) ត្រូវបានសមត្ថកិច្ចជំនាញ នៅទូទាំងប្រទេសកម្ពុជា បានចុះស្រាវជ្រាវបង្រ្កាប និងឃាត់ខ្លួនក្នុងបទល្មើសគ្រឿងញៀនចំនួន ១៣ករណី នៅថ្ងៃទី១៦ ខែឧសភា ឆ្នាំ២០២៥នេះ។ នេះបេីយោងតាមប្រភពព័ត៌មានពីរបាយការណ៍របស់អគ្គស្នងការដ្ឋាននគរបាលជាតិ។

របាយការណ៍ដដែល បានឱ្យដឹងថា ក្នុងចំណោមជនសង្ស័យចំនួន ៤០នាក់ រួមមាន៖ ជួញដូរ ៣ករណី ឃាត់ ១០នាក់(ស្រី ០នាក់) ,ដឹកជញ្ជូន រក្សាទុក ៦ករណី ឃាត់ ១០នាក់(ស្រី ០នាក់) និងប្រើប្រាស់ ៤ករណី ឃាត់ ២០នាក់(ស្រី ៣នាក់)។

ចំណែកវត្ថុតាងដែលចាប់យកសរុបក្នុងថ្ងៃទី១៦ ខែឧសភា រួមមាន៖ មេតំហ្វេតាមីន ម៉ាទឹកកក(Ice)ស្មេីនិង ២៧៥,៥០ក្រាម។

ក្នុងប្រតិបត្តិការនោះជាលទ្ធផលខាងលើ ១០អង្គភាព បានចូលរួមបង្ក្រាប មានដូចខាងក្រោម៖

កម្លាំងនគរបាលជាតិ ៖ ១០អង្គភាព

*១ / មន្ទីរ៖ ជួញដូរ ១ករណី ឃាត់ ១នាក់ ចាប់យកIce ១៥,៩៣ក្រាម។