ឆ្លងតាមការប្រជុំសម្របសម្រួលរវាងភាគីកម្ពុជា_ថៃ នៅថ្ងៃនេះប៉ុស្តិ៍ច្រកទ្វារអន្តរជាតិប៉ោយប៉ែតមានកិត្តិយសជម្រាបជូនសាធារណជនទាំងអស់មេត្តាជ្រាបថា ÷ ចាប់ពីថ្ងៃស្អែកទី១១​ខែមិថុនាឆ្នាំ២០២៥នេះតទៅប៉ុស្តិ៍ច្រកទ្វារអន្តរជាតិទាំងសងខាងប៉ោយប៉ែត_ខ្លងលឹកនឹងចាប់ផ្តើមបើកច្រកជាពិសេសបន្ថែមទៀតដោយពេលព្រឹកបើកពីម៉ោង​៦:00នាទីដល់ម៉ោង៨:00នាទី និងពេលល្ងាចបើកពីម៉ោង​១៧:00នាទីដល់ម៉ោង១៨,00នាទីដើម្បីអោយកូនសិស្សខ្មែរយើងដែលកំពុងរស់នៅជាមួយឪពុកម្តាយក្នុងផ្សាររោងក្លឿបានចេញ_ចូលទាន់ម៉ោងសិក្សា។ចំពោះអាណាព្យាបាលសិស្សព្រមទាំងភ្ញៀវជាតិនិងអន្តរជាតិ មធ្យោបាយចេញ_ចូលទាំងអស់នៅអនុវត្តការចេញចូលនៅម៉ោងដដែលគឺ​ចាប់ពីពេលព្រឹកម៉ោង៩និង00នាទីដល់ម៉ោង១៦និង00នាទីរសៀល។វណ្ណា