ខេត្តរតនគិរីៈ នៅវេលាម៉ោង១២និង០០នាទីរសៀលថ្ងៃទី២៨ខែសីហាឆ្នាំ២០១៦នេះ ស្ថិតនៅភូមិសើងឃុំ សើង ស្រុកបកែវ ខេត្តរតនគិរីមានករណីអគ្គីភ័យបានឆាបឆេះឃ្លាំងស្តុកជ័រកៅស៊ូក្រែប។
ប្រភពពីកន្លែងកើតហេតុបានឲ្យដឹងថា មូលហេតុ ភ្លើងឆេះចេញពីក្នុងឡកៅស៊ូក្រែបបណ្តាលឲ្យឆាបឆេះអស់ទាំងស្រុង។
គ្រានោះដែរមានរថយន្តពន្លត់អគ្គីភ័យ២គ្រឿង របស់អធិការដ្ឋាននគរបាលស្រុកបកែវ១គ្រឿងនឹង រថយន្តនគរបាលស្រុកអូរយ៉ាដាវ១គ្រឿង ព្រមទាំងគោយន្តកែច្នៃប្រជាពលរដ្ឋ១គ្រឿងផងដែរ។
ដោយឡែកខូចខាតទ្រព្យសម្បត្តិ ពុំបានដឹងថាអស់ប៉ុន្មាននោះទេ៕

ដោយ សាវុធ